Mu ijoro ryo kuri uyu wa Gatatu tariki 3 Mata 2019 mu mujyi wa Musanze mu ishuri rya INES Ruhengeri habereye ibirori byo gutora Nyampinga uhiga abandi mu bwenge ariko hanibandwa ku bindi birimo umuco n’uburanga. Aha ikamba rikaba ryegukanywe na Miss Umutoni Adeline mu gihe umurundikazi Gateka Filly we yegukanye ikamba ry’igisonga cya mbere.
Abakobwa 13 nibo bahataniraga ikamba muri aya marushanwa, umwe akaba ari we wagombaga kuryegukana. Umutoni Adeline niwe wegukanye ikamba rya Miss Bright INES Ruhengeri, akaba yakurikiwe n’igisonga cya mbere witwa Gateka Filly Chersy umurundikazi wiga muri INES Ruhengeri. Ni mu gihe Muhongerwa Nyiranyamibwa Paradis Benigne we yaje kwegukana ikamba ry’igisonga cya kabiri cya Miss Bright INES Ruhengeri.
Nyampinga yahise ahabwa ibihumbi ijana na mirongo itanu (150,000frw) ndetse na Laptop nshya yagenewe nk’ibihembo bikuru mu gihe hari ibindi bihembo binyuranye yongerwa n'abaterankunga b’iki gikorwa. Uwabaye igisonga cya mbere yahawe ibihumbi ijana by’amafaranga y’u Rwanda (100,000frw) nawe ahabwa LapTop nshya kimwe n’ibindi bihembo aomba kugenerwa n'abaterankunga banyuranye b’irushanwa. Igisonga cya kabiri cya Miss Bright INES we yagenewe 50,000frw na LapTop kimwe n’ibindi bihembo nawe agomba kugenerwa n'abaterankunga.
Abakobwa 10 basigaye batatowe nabo bagenewe ibihembo by’uko bitabiriye, buri wese akaba yagenewe ibahasha.
Abakobwa 10 basigaye nabo bakurikiranye kuri ubu buryo bukurikira duhereye ku wa kane:
4. Isimbi Grene
5. Igirimpuhwe Witness
6. Iradukunda Evelyne
7. Uwase Anitha
8.Nkusi Divine
9. Ukwishatse Evans
10. Niyomubyeyi Vanessa
11.Ndamukunda Ornella
12 Uwamahoro Evelyne
13. Niyonshuti Claudine
Iri shuri rya INES Ruhengeri ryaherukaga gutora Miss mu
mwaka wa 2016 ahatowe Nyampinga Netete Liliane wari umaranye imyaka itatu
ikamba rya Miss Ines Ruhengeri. Ni ubwa mbere hatowe Nyampinga uhiga abandi
ubwenge muri iyi kaminuza, ibintu umuyobozi wayo yemeje ko bigiye kujya biba buri
mwaka.
Mwiseneza Josiane (Hagati) yari ari mu kanama nkemurampaka
Mu gusubiza kwe uyu mukobwa wabaye Nyampinga wabonaga ko yifitiye icyizere
Social Mula niwe wasusurukije abitabiriye ibi birori
Natete Liliane wari umaze imyaka itatu afite ikamba rya Nyampinga wa INES Ruhengeri
Beni Abayisenga umunyamakuru wa RBA i Musanze niwe wayoboye ibi birori
Umuyobozi wa INES Ruhengeri yijeje abitabiriye ibi birori ko bigiye kuba ngarukamwaka
Hahatanaga abakobwa 13
Uwari uhagarariye akanama nkemurampaka ahamya ko amanota batanze yanyuze mu mucyo
Mwiseneza Josiane yashimiye ubuyobozi bw'ikigo bwamutumiye muri iki gikorwa
Habanje guhembwa ibisonga
Ibisonga bya Miss Bright Ines Ruhengeri
Byari ibyishimo ubwo yari amaze gutorwa nka Miss Bright INES Ruhengeri
Miss Bright Ines Ruhengeri yahawe umugisha na padiri akaba n'umuyobozi w'iri shuri
Miss Bright INES Ruhengeri 2019, Umutoni Adeline
REBA HANO IKIGANIRO YATANZE AKIMARA KWAMBIKWA IKAMBA RYA MISS BRIGHT INES RUHENGERI
Eng
RSS 
TANGA IGITECYEREZO