![Mwiseneza Josiane yambitswe ikamba ry’umukobwa ukunzwe [Miss Popularity 2019]-AMAFOTO](http://inyarwanda.com/app/webroot/img/201901/images/thumbs/josiane3-289921548540792.jpg)
Umukobwa witwa Mwiseneza Josiane waryubatse mu irushanwa rya Nyampinga w’u Rwanda 2019 yambitswe ikamba ry’umukobwa wakunzwe (Miss Popularity 2019). Ni mu birori bikomeye byabereye muri Intare Conference Arena ku mugoroba w’uyu wa Gatandatu tariki 26 Mutarama 2019.
Mwiseneza Josiane w’i Rubengera yari ahatanye n’abakobwa b’anya-Kigali. Yavutse muri 1995, bivuze ko afite imyaka 23 y’amavuko. Bwa mbere yinjira mu irushanwa, yagenze n’amaguru aturutse ku Nyundo kugera ahabereye irushanwa mu mujyi wa Rubavu ku Inzozi Beach Hotel. Ni umwe mu batunguranye muri iri rushanwa rya Nyampinga w'u Rwanda ndetse yabashije guhabwa amahirwe yo guhatana kuko yujuje uburebure n’ibiro bisabwa ngo yitabire irushanwa.
Mwiseneza Josiane ni umukobwa upima ibiro 57 ndetse akaresha na metero na santimetero 70. Yahawe nimero imwe mu bakobwa 13 bagomba guhatanira kuzahagararira intara y’uburengerazuba. Benshi bamutangariye kuko atari afite ubusirimu bwinshi ugereranyije na bagenzi be baje guhatana ndetse urebye ku birenge bye ubona ko ino rye ry’igikumwe ryakomeretse kubera gutsitara.
N’ubwo benshi bamubonye nk’aho atandukanye n’abandi, we avuga ko yifitiye icyizere cyane ndetse yizeye gutsinda agahigika bagenzi be. Niwe wabanjirije abandi kubazwa, dore ko ari nawe wari ufite nimero ya mbere. Yabajijwe mu Kinyarwanda no mu cyongereza ndetse abasha guhabwa YES cyangwa YEGO n’abakemurampaka 2 muri 3 bagize iri rushanwa.
Mwiseneza Josiane yambitswe ikamba rya Nyampinga wakunzwe cyane
Eng
RSS 
TANGA IGITECYEREZO