Igitunguru kizwiho ubushobozi bwo kuvura ariko gikoreshwa cyane mu kuryoshya ibiryo. Igitunguru cyongera ubudahangarwa bw’umubiri ndetse kirwanya cyane indwara z’uruhu.
Mu myaka ya cyera abagereki bagikoreshaga cyane mu kuvura ibicurane n’indwara zuririra ku bukonje. Kukirya ari kibisi byica udukoko twangiza tuba mu kanwa. Ariko kandi uko wakirya kose kigira akamaro gakomeye kuko gikungahaye kuri sulfure n’izindi ntungamubiri zikomeye nka vitamines A, B, C, na potassium. Ibitunguru bigira ubushobozi bwo kwica udukoko na za Virus. Kurikira neza uko gikoreshwa urasanga utagakwiye gusiba kugifata.
Igitunguru kivura inkorora.
Ronga neza igitungu cyawe nurangiza ugihate. Gisaturemo kabiri, ubundi ukinike mu
mushongi w’isukari cyangwa ubuki niba wabubona. Pfundikira neza bimare umunsi
cyangwa urenga. Kamuramo umutobe maze uzajye unywa ikiyiko kimwe mu gitondo
ikindi nimugoroba. Bizica udukoko tumunga umubiri ndetse n’inkorora izahita ikira.
Sulfure dusanga mu bitunguru isohora imyanda mu mubiri kandi ikagabanya
ububabare buterwa no gukorora, bityo ugitangira kunywa wa mutobe ububabare
buzatangira kugabanuka na mbere y’uko inkorora ikira.
Igitunguru kirinda
gucikagurika k’umusatsi.
Shyira ibitunguru mu isafuriya, sukamo amazi abirengeye maze ushyire ku ziko bitogote nk’iminota 10. Vanga vanga ubitereke ureke bihore neza. Bishyire mu misatsi yawe maze utwikirizeho igitambaro kugira ngo bifatemo nibuze mu gihe kingana n’isaha. Igitunguru gikuza umusatsi ndetse ugakomera ntiwongere gucikagurika.
Igitunguru kivura kubabara
mu gatuza.
Satagura igitunguru mo udusate duto ubivange
n’amavuta ya Coco. Vanga cyane kugeza ubwo ubona imvange inoze. Iyo mvange
ubonye yisige mu gituza hose maze uhambireho igitambaro. Bireke bimareho ijoro ryose
ubikureho ugiye gukaraba mu gitondo, igitunguru kirakangura ubwirinzi bw’umubiri
ndetse gisohore ibimyira byose
byitsindagiye mu nzira y’ubuhumekero.
Igitunguru kivura kuribwa n’amara ( Icyo munda).
Ni
uburyo bukoreshwa cyane n’abasangwabutaka bo muri Amerika. Abana barwaye icyo
munda bahabwa ikiyiko cy’umutobe w’igitunguru buri saha. Niba urwaye amara, tata
ikiyiko cy’umutobe w’igitunguru kimwe mu masaha abiri kugira ngo ubwo buribwe
bushire.
Igitunguru gihagarika
kuruka.
Niba uri kuruka, Igitunguru ni bwo butabazi
bw’ibanze. Kata igitunguru mo uduce duto maze ukamure umutobe uwushyire
uruhande, tegura igikombe cy’icyayi gisanzwe. Niwongera gushaka kuruka fata
ibiyiko 2 by’umutobe w’igitunguru nka
nyuma y’iminota 5 ufate ibindi biyiko 2 by’icyayi ako kanya kuruka birahagarara.
Ibitunguru bivura indwara zo
mu matwi.
Indwara
zo mu matwi zirababaza cyane, nyamara ukoresheje igitunguru byakoroha
rwose. Katagura igitunguru mo uduce duto. Dupfunyike mu gatambaro gafite isuku, ubirambike ku gutwi kurwaye wapfutse neza ukoresheje agapamba, birekereho kugeza
ubwo uburibwe bushize.
Kivura uburibwe n’uduheri
dutewe n’ikikurumye.
Satura igitunguru ugikube aho agakoko
kakurumye. Biratuma aho hantu hadakomeza kukubabaza.
Igitunguru kivura udukomere
duto no gusaduka bitewe n’izuba.
Isige umutobe w’igitunguru ku ruguma rwawe cyangwa aho wagiye usaturwa n’izuba. Birakurinda gukomeza kubabara ndetse binakurinde kuba hakwinjiramo udukoko. Sulfure iba mu bitunguru ifasha uruhu kwisana no kurinda ububabare.
Igitunguru kiyungurura
umwuka.
Bitewe n’impumuro idasanzwe ndetse n’ibisa n’urusenda
igitunguru kirekura, iyo ugikase bifasha mu gutunganya umwuka kuko byica microbe ziba
zicaracara hafi aho.
Igitunguru kivura guhinda
umuriro
Katagura
igitunguru mo uduce duto maze ubivange n’amavuta ya Coco. Iyo mvange uyomeke mu
bworo bw’ikirenge uzengurutseho agashashi maze ubone kwambara amasogisi. Biraza
kunyunyuza mu muburi udukoko n’uburozi
butandukanye mu gitondo urakanguka umuriro washize.
TANGA IGITECYEREZO