Ku mugoroba w’uyu wa Kabiri tariki 18 Nzeli 2018 ubwo hatangiraga imikino y’amatsinda ihuza amakipe yabaye aya mbere iwayo mu mugane w’i Burayi, Lionel Messi yatsinze ibitego bitatu mu mukino afasha FC Barcelona gutsinda PSV Eindhoven ibitego 4-0.
Wari umukino ufungura iyo mu itsinda rya kabiri (B) waberga ku kibuga cya Camp Nou, sitade FC Barcelona yakiriraho imikino. Uyu mukino warebwe n’abafana 73,462 usifurwa na Anastasios Sidiropoulos ukomoka mu Bugereki.
Lionel Messi yafunguye amazamu ku munota wa 32’ mbere y'uko Ousmane Dembele ashyiramo icya kabiri cya FC Barcelona ku munota wa 75’. Lionel Messi yaje kongeramo igitego cye ka kabiri cyari icya gatatu cya FC Barcelona ku munota wa 77’ mbere yo kungamo icya gatatu ku munota wa 87’.
Lionel Messi yatsinze "hat-trick" mu mukino we wa mbere wa UEFA Champions League 2018
Abakinnyi ba FC Barcelona bishimira igitego cya Lionel Messi
Muri uyu mukino, Samuel Umtiti myugariro wa FC Barcelona yaje guhabwa ikarita itukura ku munota wa 79’ kuko yari yujuje amakarita abiri y’umuhondo kuko iya mbere yari yayibonye ku munota wa 55’ w’umukino.
Undi mukino wo mu itsinda rya kabiri (B), Inter Milan yatsinze Tottenham Hotspur ibitego 2-1 mu mukino waberaga kuri sitade Giuseppe Meazza, umukino warebwe n’abafana 64123.
Ibitego bya Inter Milan byatsinzwe na Mauro Icardi (86’) na Matias Vecino (90’) mu gihe igitego cy’impozamarira cya Tottenham cyatsinzwe na Christina Eriksen (53’). Uyu mukino wasifuwe na Clement Turpin (France).
Ousman Dembele (11) yatsinze igitego kimwe muri bine bya FC Barcelona
Pereiro wa PSV agerageza amahirwe
Abafana ba FC Barcelona wari umugoroba wabo mu buryo bwizewe
Lionel Messi ku mupira ashaka inzira
Gerard Pique ashaka igitego cy'umutwe
Mark van Bommel Umutoza mukuru wa PSV mu ishati y'umweru n'ipantalo y'umukara
Ernesto Valverde Umutoza mukuru wa FC Barcelona
Dore uko itsinda rya kabiri (B) rihagaze
Abakinnyi babanje mu kibuga:
Barcelona XI: Ter Stegen, Sergi Roberto, Pique, Umtiti, Jordi Alba, Rakitic, Sergio Busquets, Coutinho (Lenglet 81), Messi, Luis Suarez, Dembele
Abasimbura batakinnye: Cillessen, Nelson Semedo, Arthur, Rafinha, Munir, Vidal
PSV Eindhoven XI: Zoet, Dumfries, Schwaab, Viergever (Isimat-Mirin 66), Tasende, Rosario (Gutierrez 82), Pereiro, Hendrix, Bergwijn (Malen 78), de Jong, Lozano
Abasimbura batakinnye: Room, Behich, Sainsbury, Ramselaar
Abakinnyi ba PSV bamaze kurya igitego
Lionel Messi ashimirwana bagenzi be nyuma yo kubatsindira ibitego
Coup franc ya Lionel Messi yabyaye igitego
Lionel Messi ashima abafana ku nkunga yo kuba inyuma ya FCBarcelona
Dore uko imikino yarangiye (A-D)
Group A:
-Club Brudge 0-1 Borussia Dortmund
-AS Monaco 1-2 Atletico Madrid
Group B:
-FC Barcelona 4-0 PSV Eindhoven
-Inter Milan 2-1 Tottenham
Group C:
-FK Crvena Zvezda 0-0 SSC Napoli
-Liverpool 3-2 PSG
Group D:
-Galatasaray 3-0 Lokomotiv
-Schalke 1-1 FC Porto
FC Barcelona yacyuye amanota 3 y'umunsi bitamugoye
PHOTOS: DailMailOnline
TANGA IGITECYEREZO