RFL
Kigali

Musanze: Dream Boys yatumiwe mu gitaramo kizafasha abantu kwinjira mu mwaka mushya wa 2018

Yanditswe na: Kawera Jeannette (Kajette)
Taliki:19/12/2017 18:02
0

Mu mpera za buri mwaka hagenda hagaragara udushya dutandukanye ndetse n’ibirori byo kwishimisha bitandukanye. Ni muri urwo rwego n’abatuye mu karere ka Musanze bateguriwe igitaramo n’inzu itunganya umuziki ya T-TimePro Entertainment kizagaragaramo abahanzi batandukanye babasusurutsa bakabafasha kwinjira mu minsi mikuru bishimye.



Iki gitaramo cyiswe ‘Happy New Year Concert’ cyateguriwe abatuye i Musanze ndetse n'abakunda kuhasokera. Cyateguwe mu rwego rwo kwishimira umwaka mushya tugiye kwinjiramo. Inyarwanda.com yashatse kumenya impamvu iki gitaramo cyashyizwe i Musanze ndetse n’icyo bagendeyeho mu guhitamo abahanzi bazakigaragaramo, Eddy ushinzwe kwamamaza ibikorwa bya T-Time adusubiza muri aya magambo:“Twahisemo kujyana itsinda rya Dream Boys kuko ari abahanzi bakunzwe kandi akaba ari ryo tsinda dusigaranye rihagaze neza muri muzika nyarwanda. Bakaba nabo biteguye gushimisha abantu bazitabira icyo gitaramo.”

Yakomeje atangariza Inyarwanda.com indi ntego y’iki gitaramo. Yagize ati: “Iki gitaramo kikaba kandi kiri no mu rwego rwo kwerekana ibikorwa byacu nka T-timePro Entertainment kuko abahanzi bacu nabo biteguye gushimisha abantu mu buryo buhagije. Kuri ubu tukaba duhereye i Musanze dutegura ibitaramo ariko tukaba tuzakomeza no kugenda tubitegura mu bice bitandukanye by’igihugu kugira ngo dukomeze twegere abakunda ibikorwa bya T-TimePro Entertainment ndetse numuziki muri rusange.”

T Time

Abahanzi bataramira i Musanze mu gitaramo 'Happy New Year' cyateguwe na T-TimePro Entertainment

Iki gitaramo kizabera i Musanze muri Cascade taliki ya 29 Ukuboza 2017, kizagaragaramo abahanzi nka T&T, Frankay na Dream Boys aho kwinjira bizaba ari ibihumbi bibiri by'amafaranga y'u Rwanda. Kizatangira ku isaha ya saa moya z'umugoroba






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND