Tariki 11/12/2017 ni bwo umuhungu umwe rukumbi akaba imfura ya Gatsinzi Emery, Riderman na Agasaro Nadia Farid yujuje isabukuru y’imyaka ibiri amaze avutse. Nk’uko bisanzwe Mama we utajya wibagirwa kumwifuriza isabukuru nziza, yamwifurije ibyiza gusa anavuga urwo akunda umugabo we Riderman.
Abinyujije ku rukuta rwe rwa Instagram, Nadia yifurije imfura yabo Eltad isabukuru nziza mu magambo meza yuje urukundo ndetse yongera gushimangira urwo akunda umugabo we Riderman afata nk’intagereranywa.
Nadia yifurije imfura ye isabukuru nziza mu magambo meza anashimangira ko akunda umugabo we
Tugenekereje mu Kinyarwanda Nadia yagize ati “Isabukuru nziza mukundwa. Icyubahiro kibe icy’umwami Imana yacu watumye ibi bishoboka. Ntushobora kwiyumvisha uko untera ishema. Kuba Mama wawe birashimishije!! Nzahora iteka nshimira Papa wawe, umugabo w’agaciro katagereranywa. Mwembi ndabakunda byimazeyo kandi nzahora mbikora. Imana iguhe umugisha Hny #Eltad @ridermanriderzo”
Ubusanzwe aba bombi yaba Nadia na Riderman bagaragarizanya urukundo nta pfunwe ndetse bakunze kugaragaza kenshi ko bose bishimira imfura yabo Eltad akenshi babinyujije ku rubuga nkoranyambaga rwa Instagram.
Ni kenshi Nadia agaragaza ko yishimira kuba ari umufasha wa Riderman, ari amahirwe akomeye ku buzima bwe
Yaba Riderman ndetse na Nadia bakunze kugaragarizanya ko bakundana
Mu magambo ya gisizi, Riderman ahamya ko akunda cyane Nadia
TANGA IGITECYEREZO