RFL
Kigali

BOX OFFICE: Jigsaw niyo filime iyoboye izindi mu zagurishijwe cyane muri iyi weekend

Yanditswe na: UDAHOGORA Vanessa Peace
Taliki:30/10/2017 11:49
0


Iyi filime yasohotse kuri uyu wa 5 tariki 27/10/2017, iri mu bwoko bw’iziteye ubwoba, muri iyi weekend yinjije $16,250,000 muri Amerika gusa, ku isi hose imaze kwinjiza $25,750,000, kuyikora byatwaye miliyoni 10 z’amadolari. Iyi filime icuruzwa na Lionsgate.



2. Tyler Perry’s Boo 2! A Madea Halloween

Ubushize niyo yari ku mwanya wa 1, muri iyi weekend yinjije $10,000,000, icuruzwa na Lionsgate, yasohotse ku itariki 20/10/2017. Iyi filime ku isi hose uhereye igihe yasohokeye imaze kwinjiza $35,729,532, kuyikora byatwaye miliyoni 25 z’amadolari.

3. Geostorm

Iyi filime yasohotse tariki 20/10/2017, muri iyi weekend yinjije $5,675,000 muri Amerika gusa, icuruzwa na Warner Bros., ku isi hose imaze kwinjiza $136,953,368, kuyikora byatwaye miliyoni 120 z’amadolari. Ubushize iyi filime yari ku mwanya wa 2.

4. Happy Death Day

Muri iyi weekend yinjije $5,099,000, ubushize niyo yari ku mwanya wa 3, yasohotse ku itariki 13/10/2017 ikaba icuruzwa na Universal. Kuva iyi filime yasohoka, mu byumweru 3 imaze kwinjiza $68,593,525 ni mu gihe kuyikora byatwaye miliyoni 4.8 z’amadolari.

5. Blade Runner 2049

Yasohotse ku itariki 06/10/2017, muri iyi weekend yinjije $3,965,000, icuruzwa na Warner Bros. Kuva yasohoka, iyi filime imaze kwinjiza $223,385,785, kuyitunganya byari byatwaye miliyoni 150 z’amadolari, iyi filime ubushize yari ku mwanya wa 4 muri filime zacurujwe cyane.

6. Thank You for Your Service (2017)

Iyi filime yasohotse kuri uyu wa 5 tariki 27/10/2017, muri iyi weekend yinjije $3,702,000, icuruzwa na Universal, aya mafaranga niyo yonyine yinjije ndetse kuyikora byatwaye miliyoni 20 z’amadolari.

7. Only The Brave

Ni filime nshya yasohotse tariki 20/10/2017 icuruzwa na Sony/Columbia. Yabashije kwinjiza $3,450,000 muri iyi weekend, kuva yasohoka imaze kwinjiza $12,402,143. Iyi filime kuyitunganya byatwaye miliyoni 38 z’amadolari. Ubushize yari ku mwanya wa 5 muri filime zacurujwe cyane muri weekend.

8. The Foreigner

Yinjije $3,210,000 muri iyi weekend, ni filime icuruzwa na STX Entertainment ikaba yarasohotse ku itariki 13/10/2017. Iyi filime kuva yasohoka imaze kwinjiza $117,227,318, kuyitunganya byatwaye miliyoni 35 z’amadolari, ubushize yari ku mwanya wa 6.

9. Suburbicon

Muri iyi weekend yinjije $2,800,000, yasohotse kuri uyu wa 5 tariki 27/10/2017. Icuruzwa na Paramount, kugeza ubu icuruzwa muri Amerika gusa, amafaranga byatwaye ngo ikorwe ntiyigeze atangazwa.

10. It

Iyi filime iri mu zimaze igihe ku rutonde rw’izicuruzwa cyane muri weekend, ubu yinjije $2,465,000, icuruzwa na Warner Bros. (New Line) ikaba yarasohotse ku itariki 08/09/2017. Ku isi hose iyi filime imaze kwinjiza $666,630,202 mu gihe byatwaye miliyoni 35 z’amadolari gusa kugira ngo ikorwe. Ubushize iyi filime yari ku mwanya wa 7.

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND