Paul Bitok umutoza w’ikipe y’igihugu ya Volleyball yahamagaye abakinnyi 14 azifashisha mu mikino y’igikombe cya Afurika iteganyijwe kuva kuwa 20-30 Ukwakira 2017 i Cairo mu Misiri.
Abakinnyi 14 bahamagawe bagomba guhura n’amakipe (Clubs) yo mu Misiri ndetse n’ikipe y’igihugu ya Libye mu mikino ya gishuti nyuma y'uko gahunda yo kujya kwishyuhiriza muri Turkey itakunze nk’uko Bitok yabisobanuriye The New Times.
“Nyuma y'uko imikino ya gishuti twateganyaga muri Turkey yanze, twavuganye n’amakipe yo mu Misiri n’ikipe y’igihugu ya Libye kandi bemeye ubusabe bwacu ko twakina mbere y’irushanwa. Turizera ko iyi mikino tuzakina izadufasha mu myiteguro kuko turashaka kugera kure hashoboka mu irushanwa. Turabizi ko bitazaba byoroshye gutsinda no kubona itike ariko twiteguye guhangana”. Bitok
Uretse guhagamagara abakinnyi bo mu ikipe y'igihugu, umutoza Paul Bitok yanashyizeho Kapiteni mushya. Uwo ni Olivier Ntagengwa wasimbuye Mukunzi Chrsitophe kuri ubu uri muri Arabia Saudite aho yagiye mu igeragezwa n'ikipe imwifuza. Olivier Ntagengwa azaba yungirijwe na Musoni Fred wasimbuye Yakan Guma Lauwrence.
Abakinnyi 14 bahamagawe, bagomba guhaguruka mu Rwanda kuri uyu wa Gatandatu tariki 14 Ukwakira 2017 saa Cyenda z'amanywa (15h00').
Ntagengwa Olivier niwe kapiteni w'ikipe y'igihugu
Dore abakinnyi bahamagawe:
Libero (Abafasha abakina hagati):2
-Mutabazi Bosco na Rwigema Simon
Setters (Abatanga imipira/Passeurs):2
-Cyusa Jacob na Mahoro Yvan
Central Blockers (Abasatira bava hagati):4
-Sibomana Placide Madison, Nshimiyimana Robert, Muvara Ronald na Musoni Fred
Letf-Attackers (Abasatira baturuka ibumoso):4
-Ntagengwa Olivier, Kavalo Patrick, Mutabazi Yves na Mutabazi Fred
Right-Attackers (Abasatira bava iburyo): 2
-Yakan Guma Lauwrence na Murangwa Nelson.
Umutoza mukuru: Paul Bitok
Umutoza wungirije: Mutabazi Elie
Uyoboye itsinda (Head of Delegation): Kansiime Kagarama Julius
Ushinzwe ibikorwa by'ikipe: Hatungimana Christian
Umusifuzi: Nshimiyimana Innocent
Mukunzi Christophe wari kapiteni ubu ari muri Arabia Saudite
Musoni Fred niwe visi kapiteni w'ikipe y'igihugu
Yakan Guma Laurence wari visi kapiteni ntakiri kuri uyu mwanya
Paul Bitok umutoza w'ikipe y'igihugu ya Volleyball
TANGA IGITECYEREZO