RFL
Kigali

Sobanukirwa umumaro wa soya ku buzima bwawe

Yanditswe na: Liliane Kaliza
Taliki:27/09/2017 16:03
0

Ubusanzwe soya ibarirwa mu binyabisogwe, ikaba ikiribwa gikungahaye ku ntungamubiri zitandukanye aho benshi bayirya ku bwinshi bayikurikiyeho kuba ifatwa n’ikiribwa gisa neza n’inyama zirya umugabo zigasiba undi



Abahanga mu by’imirire bavuga ko uretse vitamine B12 iboneka ku matungo, ngo ibindi byose wakura mu nyama wanabisanga muri soya kuko ngo yibitseho protein zikubye gatatu izisanzwe ziba mu nyama.

Bavuga kandi ko muri soya habamo protein, fibre, ibitanga ingufu n’amasukari atari menshi ngo kuko n’abarwayi ba diabete bashobora kurya soya ntacyo bikanga. Muri vitamine ziboneka muri soya harimo B1, B2, B6, B9, D na K byose bikaba biha soya ingufu zo kurwanya indwara zitandukanye mu mubiri w’umuntu nko kumungwa amagufwa n’ibindi.

Soya kandi ngo izwiho gufasha umubiri mu miterere yawo wose ikawuha ingufu bigatuma umuntu agira umuvuduko mu bikorwa bye bya buri munsi. Vitamine C iri muri soya ngo ifasha umubiri gusohora imyanda no kugabanya igipimo cya choresterole mbi mu mubiri.

Soya kandi ngo ifasha mu igogorwa ry’ibyo umuntu aba yariye ikanakomeza amagufwa bitewe na calcium iyibonekamo. Ku barwayi ba diabete, ngo ni byiza ko barya soya ikaranze cyangwa ibitonore byayo. Undi mumaro wa soya abahanga mu by’ubuzima bagaragaza, ngo nuko ishobora kongerera ibiro uwayiriye mu gihe yayiriye nka toffee.

Soya kandi ifite ubushobozi bwo kurinda abana kuvukana ubumuga mu gihe umubyeyi yayiriye bitewe na vitamine B9 yiganje muriyo. Soya ifite ubushobozi bwo gutuma amaraso atembera neza mu mubiri bigatuma umuntu atarwara zimwe mu ndwara zifata umutima. Ku bagabo, ngo si byiza kurya soya ku kigero cyo hejuru bitewe na estrogene irimo ngo kuko  ishobora gutuma umugabo agira intanga nke bigatuma adashobora no kubyara. 

Src: Myprotein.com






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND