Nzayisenga Modeste Rutangarwamaboko yamenyekanye cyane nk’umupfumu n’umuvuzi gakondo bituma u Rwanda rwose rumenya iryo zina kuko bitari bisanzwe ko umuntu yiyemerera ko ari umupfumu mu bihe bya none.
Ku itariki 16/07/2017 ni bwo umuryango wa Nzayisenga Modeste wagiye kumusabira umugeni, nk’uko Rutangarwamaboko agendera ku muco nyarwanda, imigenzo yo gusaba yakozwe we na Cynthia badahari kuko mu muco nyarwanda basabaga umugeni umusore n’uwo asaba badahari ahubwo imiryango ikaba ariyo iganira.
Rutangarwamaboko n'umugeni we Umuziranenge Sana Cynthia
Mu bukwe bwabaye kuri iki cyumweru, bwari bwizuyemo ibyasaga nk’udushya ku bantu benshi kuko bwakozwe Kinyarwanda guhera mu mizi, Rutangarwamaboko n’umugeni we bari bambaye imyenda isa nk’ikozwe mu ruhu ndetse hari inyambo, mu mwanya wo gukata imitsima isanzwe imenyerewe ya kizungu, bariye umutsima w’amasaka ndetse hari n’andi mafunguro ya Kinyarwanda.
Abazi Rutangarwamaboko mu buzima busanzwe bemeza ko ari umugabo w’imfura kandi uzi kubana neza, bitandukanye cyane n’uko hari abantu banamutinya cyangwa bakamufata nk’umurozi. Ikindi kandi, ubuganga akoresha bwa gakondo bwiyongera ku mpamyabumenyi y’ikirenga asanganwe mu by’ubuganga nk’uko Inyarwanda.com yabitangarijwe n’umwe mu bamuzi bya bugufi.
Reba uko ubu bukwe bwagenze mu mafoto:
Umugeni bamuzanye bamuhetse mu ngobyi nk'uko byahoze cyera mu muco nyarwanda
Ubukwe bwa Rutanga bwarimo ibyo kurya bya kinyarwanda
Umupfumu Rutangarwamaboko hamwe n'umugeni we
Hari abantu benshi muri ubu bukwe, nta wahejwe
Dore uko byari byifashe mu muhango wo gusaba:
Abaje gusaba umugeni baje bitwaje inzoga za kinyarwanda
Yaba umusore ndetse n'umugeni ntibagaragaye muri iyi mihango
Inka Rutangarwamaboko yatanzeho inkwano
Rutangarwamaboko yagaragaye mu muhango wo kwinegura
REBA HANO VIDEO Y'UKO BYARI BIMEZE MURI UBU BUKWE
Kanda hano usome inkuru irambuye y'ikiganiro Rutangarwamaboko yagiranye na Inyarwanda.com