Abakunzi ba filime James Bond bari barababajwe n’ugusezera burundu kwa Daniel Craig muri iyi filime ubu bashobora kugarura akanyamuneza kuko uyu mugabo yisubiyeho akaba azagaruka muri 2019 mu gice gikurikiyeho cya James Bond nka agent 007.
Filime James Bond ni uruhererekane, iya mbere yasohotse muri 1962, yakurikiwe n’izindi 25 ndetse zagiye zisimburanwamo abakinnyi batandukanye ariko uw’imena ni umutasi uba witwa agent 007. Daniel Craig niwe wakinaga agent 007 muri filime 4 ziheruka za James Bond, yari yararahiye ko adashobora kugaruka muri iyi filime ariko birangiye azagaruka mu gice kizakurikira.
Daniel Craig yemeye kuzagaruka muri James Bond
Igice kizakurikira cya James Bond byamaze gutangazwa ku rubuga rwemewe rwa James Bond ko ari tariki 8 Ugushyingo 2019. Iyi filime izerekanwa bwa mbere mu Bwongereza ibone kugera mu bindi bice by’isi ndetse biteganyijwe ko umunyamideli Cara Delevigne ashobora kuzagaragara muri iyi filime ari we uzaba ufatanya bya bugufi na Daniel Craig.
Cara Delevigne nawe ashobora kuba umwe mu bazakina muri James Bond izasohoka mu myaka 2 iri imbere
Kugeza ubu ntiharamenyekana amafaranga Daniel Craig yaba yarishyuwe kugira ngo yemere kugaruka muri James Bond ndetse yaba we cyangwa Cara Delevigne ntibari bagira icyo batangaza kuri uku kuzagaragara muri iyi filime. Nyuma y’uko Daniel Craig atangarije ko atazongera gukina nka agent 007, hageragejwe abandi bantu benshi bo kumusimbura barimo Idris Elba, Tom Hiddleston, Jamie Bell, Aiden Turner n’abandi.
Aba bose barageragejwe ngo barebe ko basimbura Daniel Craig nka James Bond
Daniel Craig ni umugabo w’imyaka 49, akomoka mu Bwongereza ndetse benshi mu bakinnye ari ba James Bond bakomoka mu Bwongereza ahanini bitewe n’uko iyi nkuru ya James Bond ikomoka ku mwanditsi w’umwongereza Ian Fleming.
Eng
RSS 
TANGA IGITECYEREZO