RFL
Kigali

FIBA U16 African Chaps 2017: U Rwanda rwasoje imikino y’amatsinda rutsindwa na Madagascar-AMAFOTO

Yanditswe na: Mihigo Saddam
Taliki:15/07/2017 14:28
0

Ikipe y’u Rwanda ya Basketball igizwe n’abakinnyi batarengeje imyaka 16 yatsinzwe umukino wa gatatu mu matsinda itsindwa na Madagascar amanota 95-87. Ni imikino Nyafurika y’ingimbi iri kubera mu birwa bya Maurice kuva kuwa Kane tariki 13-22 Nyakanga 2017.



U Rwanda rwatangiye rutsindwa na Algeria, Misiri yungamo none na Madagascar yarwigirijeho nkana mu mukino wa nyuma wo mu itsinda rya kabiri (B) barurebera amanota 95 kuri 87.

Agace ka mbere u Rwanda rwihagazeho rutsinda amanota 26 kuri 24 ya Madagacar. Agace ka kabiri Madagascar yagasoje ifite amanota 42 kuri 47 y’u Rwanda kuko u Rwanda rwari rwinjije amanota 21 kuri 18 ya Madagascar.

Agace ka gatatu ni bwo byatangiye kudogera kuko Madagascar yakabyaje umusaruro itsindamo amanota 26 mu gihe u Rwanda rwasaruyemo amanota 13. Umukino waje gukomeza ubona ko imbaraga z’abahungu ba Moise Mutokambali zabaye nke birangira batsinzwe umukino ku manota 95-87.

Mu mikino itatu u Rwanda rwakinnye mu itsinda rya kabiri (B) nta mukino batsinze ari nacyo gituma kuri ubu bafite amanota atatu (3) kuri atandatu (6) kuko ikipe itsinzwe ihabwa inota rimwe (1) mu gihe iyatsinze ihabwa amanota abiri (2).

Igisigaye nuko u Rwanda rugomba gutegereza kuzakina imikino yo gushaka umwanya mwiza ku rutonde kuko FIBA –Afrique iteganya ko amakipe abiri ya nyuma muri buri tsinda azajya ahura hagati yayo bagakina imikino ibiri bakareba iyiza imbere muri gahunda yo guhatanira umwanya kuva kuri gatanu (5) kugera ku munani (5, 6, 7 na 8).

Dore uko u Rwanda rwitwaye mu itsinda rya kabiri (B):

1.Rwanda 39-61 Algeria

2.Rwanda 45-101 Misiri

3.Rwanda 87-95 Madagacar

Abana b'u Rwanda batangiye umukino bigaragaza

Abana b'u Rwanda batangiye umukino bigaragaza

Agace ka mbere n'aka kabiri ikipey'u Rwanda yatangaga ikizere

Agace ka mbere n'aka kabiri ikipe y'u Rwanda yatangaga icyizere

Madagascar yatangiye kubazamukana

Madagascar yatangiye kubazamukana

Madagascar yatangiye kubazamura ikinyuranyo neza mu gace ka gatatu

Madagascar yatangiye kubazamura ikinyuranyo neza mu gace ka gatatu

U Rwanda rwari rwugarijwe mu mbijyanye n'imbaraga

U Rwanda rwari rwugarijwe mu bijyanye n'imbaraga

Moise Mutokambali atanga amabwiriza

Moise Mutokambali atanga amabwiriza

Madagascar bahana ikosa ryakozwe n'u Rwanda

Madagascar bahana ikosa ryakozwe n'u Rwanda

Iyo bigeze hitabazwa imbaraga z'umubiri

Iyo bigeze hitabazwa imbaraga z'umubiri

Madagascar yari yatsinzwe na Algeria amanota 60-59

Madagascar yari yatsinzwe na Algeria amanota 60-59

Madagascar yari yifiye abafana

Madagascar yari yifitiye abafana

AMAFOTO: FIBA






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND