KIGALI: Diamond yitabiriye ikiganiro n’abanyamakuru –AMAFOTO

Iki kiganiro cyabereye kuri Hotel Marriott byari byitezwe ko gitangira saa sita zuzuye ariko habayeho gukerererwaho gato dore ko cyatangiye saa munani (14h00). Iki kiganiro kandi kitabiriwe n'abandi bahanzi bazataramana n'uyu muhanzi barimo Yvan Buravan, Dj Pius na Charly& Nina. Abatabashije kuhagera ni abagomba kugera mu Rwanda mu masaha make ari imbere barimo Vanessa Mdee, Morgan Hertage.

Diamond muri iki kiganiro yabwiye abanyamakuru ko yishimiye kuba mu Rwanda aho afata nk'iwabo, yatangaje ko yishimiye kongera kuhakorera igitaramo kandi yizeza abantu ko azakora umuziki wa Live.

Charly na Nina bo bahamije ko bishimiye gutaramana na Diamond basanzwe bafata nk'umuhanzi ukomeye ndetse w'ikitegererezo mu karere. Dj Pius nawe kandi yishimiye kuba agiye gutaramana na n'uyu muhanzi asaba abanyamakuru kubasabira abanyarwanda kuzitabira iki gitaramo. Ku ruhande rwa Yvan Buravan yatangaje ko yishimiye kuririmbana na Diamond nyamara ubwo uyu muhanzi yaherukaga kuza mu Rwanda Yvan Buravan yari ataraba umuhanzi ukomeye. Yagize ati " Iyo ni intambwe ikomeye kandi mbijeje ko mu minsi iri imbere umuziki w'u Rwanda uba ugeze ku rundi rwego."

Diamond ari mu Rwanda ku mpamvu z’igitaramo agomba gukorera mu Rwanda kuri iki cyumweru tariki 2 Nyakanga 2017 i Nyamata muri Golden Tulip Hotel aho azafatanya n'abandi bahanzi barimo Morgan Hertage, Vanessa Mdee, Yvan Buravan, Charly na Nina ndetse na Dj Pius. 

Kwinjira muri iki gitaramo bizaba ari amafaranga ibihumbi icumi (10,000frw) mu myanya isanzwe ndetse na makumyabiri na bitanu (25,000frw) mu myanya y’icyubahiro. Diamond azataramira mu Rwanda avuye i Goma ho muri RDC aho azataramira tariki 1 Nyakanga 2017.

REBA AMAFOTO:

Icyumba bagombaga gukoreramo cyari kirinzwe bikomeye n'aba basore b'ibigangoAbanyamakuru bari benshiDiamond yinjiye asuhuza abanyamakuruYijeje abanyamakuru gukora igitaramo gikomeyeDj pius yatangaje ko yishimiye kuririmbira hamwe na Diamond

Yvan Buravan yishimiye gutaramana na Diamond

AMAFOTO -Ihorindeba Lewis