Gasore Serge na Butera Knowless bakoranye siporo n’abana b’i Mul

Groupe Scolaire Mulico ni ishuli riherereye mu ntara y’amajyepfo, Akarere ka Nyamagabe, umurenge wa Gasaka, akagari ka Nyamugari umudugudu wa Kigarama. Gasore Serge umugabo ufite ikigo kita kuri siporo n’ubuzima bw’abantu by’umwihariko abana bakiri bato akabikorera i Ntarama mu Karere ka Bugesera, yari yajyanye na Itel nk’umuterankunga umufasha gusohoza imihigo aba yari yemeje mu gushyigikira no gukangurira abana gukunda siporo.

Mu kiganiro yagiranye n’abana biga muri iri shuli, Gasore yibanze cyane mu kubigisha akamaro ko gukora siporo aho yababwiye ko siporo ikozwe neza irinda umubiri indwara ndetse ko yanababera umwuga wazatuma biga batishyura kuzageza igihe bazarangiza amashuli bakibeshaho kubera siporo.

“Abana ndagira ngo tuganire. Siporo ni umwuga nk’iyindi kandi ukomeye kuko uretse bya bindi mwambwiye ko ituma mugorora ingingo n’imitsi… Mwari muzi ko ushobora gukora siporo ukazajya wiga utishyura amafaranga y’ishuli?”. Gasore Serge.

Uyu mugabo kandi yababwiye ko we ubwe yagiye kwiga muri Leta Zunze Ubumwe za Amerika kubera gukora siporo ngororamubiri (Kwiruka) kugeza ubu akaba aribyo akesha ubuzima abayeho.

Nyuma yo kuganira yabasabye ko bakora urugendo rwo kwiruka akabereka urugero bazajya bakurikiza bakora siporo. Bakoze urugendo rutari munsi y’ibilometero birindwi (7Km) biruka ku muvuduko utari hejuru.

Gasore kandi yabwiye abanyamakuru ko iyi ari gahunda izakomeza kuzenguruka igihugu kuko ngo nyuma ya Nyamagabe hazakurikiraho gusura abana bo mu Karere ka Karongo muri gahunda yo gukundisha abana siporo yo kwiruka (Itel Run With Kids Tour).

Butera Knowless umuhanzikazi w’icyamamare hano mu Rwanda akaba na amabasaderi mukuru wa Itel mu Rwanda yaganirije abana ababwira akamaro ka siporo ku buzima bwabo bw’uyu munsi n’ejo hazaza mu gihe baba bayikoranye umutima ukunda.

Mu kubabwira ko siporo yabagirira akamaro kandi yanasabye ababyeyi ko batajya bazitira abana mu gukora siporo bakunda. “Ntibakababuze kwiruka kuko ntabwo ari ibintu navuga ko bikorwa n’abantu bafite ikibazo mu mutwe. Siporo yo kwiruka ni umwuga mwiza kuko hari benshi wateje imbere. Namwe rero mushyireho umwete mujye mukora siporo mukunda bizabagirira akamaro”. Butera Knowless.

Uyu muhanzikazi kandi yanasezeranyije aba bana ko igihe bazaba basoza igihembwe azahemba abana bazaba bagize amanota meza mu rwego rwo gukomeza kubatera ingabo mu bitugu.

Nyuma , Butera Knowless yakoze urugendo rwa metero magana atatu (300 m) afatanyije n’abana biga mu mashuli abanza mbere yo kubaririmbira zimwe mu ndirimbo bamusabye bakanamufasha kuziririmba.

Uyu muhango wasojwe n’igikorwa cyo gutanga inkweto ku bana biga muri Groupe Scolaire Mulico hagamijwe kubarinda indwara zandurira mu mwanda iyo hatabayeho gukingira ibirenge ndetse no kubarinda kuba bakomeretswa n’ibiti, amabuye, imisumari, ibimene by’amacupa, ibirahure n’ibindi.

Uko kuri Groupe Scolaire Mulico hari hateguye