RFL
Kigali

Joe Biden yakuyeho agahigo kari gafitwe na Barack Obama mu matora yo muri Amerika

Yanditswe na: Soter Dusabimana
Taliki:5/11/2020 6:56
3

Joe Biden uhagarariye ishyaka ry’abademokarate kuri ubu amaze gukuraho agahigo kari gafitwe na Barack Obama yahoze abereye Visi Perezida, nk’umuntu watowe n’umubare munini w’abatoye mu matora yo muri Leta Zunze Ubumwe za Amerika nyuma yo gutorwa n’abarenga miliyoni 70.



Aka gahigo kari gafitwe na Barack Obama ubwo yatorwaga n’abagera kuri 69,456,897 mu matora ya manda ye ya mbere mu mwaka wa 2008. Magingo aya Joe Biden yamaze gukuraho aka gahigo aho amaze gutorwa n’abarenga miliyoni 70 bityo ahita aba umukandida wa mbere mu mateka ya Leta Zunze Ubumwe za Amerika utowe n’umubare munini w’abatoye.

Donald Trump bahanganye mu matora mu majwi amaze kubarurwa muri leta zitandukanye zigize Leta Zunze Ubumwe za Amerika,  amaze kugira amajwi arenga miliyoni 67, amajwi aruta ayo yabonye mu mwaka wa 2016 aho yari yabonye amajwi miliyoni 62.9.

Obama & Biden

Joe Biden yamaze gukuraho agahigo kari gafitwe na Barack Obama

Aya matora y’uyu mwaka wa 2020 biteganijwe ko ashobora kugaragaramo umubare munini w’abatoye uhereye mu matora yo mu mwaka wa 1908, aho mu 1908 hafi 65% y’abaturage bari bemerewe gutora ari bo batoye.

Uyu mwaka hatoye abagera kuri miliyoni 160 ari bo bagize 67% y’abagombaga gutora. Umubare munini w’abatoye uyu mwaka babikoze mbere y’italiki 4 Ugushyingo bikaba nabyo ari ubwa mbere bibayeho.

Mu matora aheruka yo mu mwaka wa 2016 byageze ku munsi w’amatora hamaze gutora abagera kuri miliyoni 47 naho uyu mwaka byageze ku munsi w’amatora nyir’izina hateganijwe gutora abagera kuri miliyoni 101.2 muri miliyoni 160 zagombaga gutora.

Src: Daily Mail & People  

  






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • tuzayihorane varensi3 weeks ago
    nidanje ndumiwepe narinziko trump ntawamuhiga
  • Sangano pastor3 weeks ago
    Byaribikwiye trump nta kintu yibitseho mumutwe.
  • Gasanajustin3 weeks ago
    Traponareke arananiwenarekejobayideni agemukazi


Inyarwanda Art Studio

Inyarwanda Art studio
Inyarwanda BACKGROUND