RFL
Kigali

Pogba agiye kurega mu nkiko abatangaje ko yasezeye mu ikipe y'igihugu y'u Bufaransa

Yanditswe na: SAFARI Garcon
Taliki:27/10/2020 8:25
1

Umukinnyi wo hagati wa Manchester United n'ikipe y'igihugu y'Ubufaransa, Paul Pogba, avuga ko agiye kurega mu nkiko kubera amakuru y'ibinyoma yamuvuzweho ko agiye gusezera mu ikipe y'igihugu y'u Bufaransa kubera amagambo perezida Macron yavuze ku Basilamu.



Byatangajwe ko Pogba w'imyaka 27, agiye kureka gukinira ikipe y'igihugu y'Ubufaransa kubera amagambo yavuzwe na Perezida Emmanuel Macron ku idini ya Isilamu.

Pogba usanzwe ari umuyisilamu, amaze gukinira ikipe y'igihugu y'Ubufaransa imikino 72 atsindamo ibitego 10.

Yagize ati: "100% ni amakuru adafite ishingiro na busa arimo gukwirakwizwa kuri jyewe, avuga ibintu ntigeze na rimwe mvuga cyangwa ntekereza".

Mu butumwa yatangaje kuri Instagram, yavuze ko "atewe ubwoba, ababajwe, yaguye mu kantu kandi yabihiwe" kubera ibitangazamakuru bimwe "bimukoresha mu kwandika imitwe y'inkuru y'ibinyoma".

Yavuze ko ibyo binyamakuru "byongeraho ikipe y'igihugu y'Ubufaransa n'idini ryanjye bikabishyira mu gatebo kamwe".

Yagize ati: "Namagana iterabwoba n'urugomo aho biva bikagera".

"Ikibabaje, ni uko abanyamakuru bamwe bandika bakora mu buryo budashyira mu gaciro iyo barimo kwandika amakuru, bakoresha nabi ubwisanzure bwabo bw'itangazamakuru, ntibagenzure ibyo bandika cyangwa bagiye gusubiramo...

"bagatuma habaho uruhererekane rw'impuha batitaye ku kuba ibyo bigira ingaruka mbi ku buzima bw'abantu no ku buzima bwanjye".

"Ngiye kurega mu nkiko abatangaje n'abakwirakwije aya makuru y'ibinyoma 100%".

Pogba amaze imyaka 7 akinira ikipe y'igihugu y'u Bufaransa, mu mikino 72 amaze kuyikinira yatsinze ibitego 10. Uyu mukinnyi akaba yari mu ikipe yegukanye igikombe cy'Isi mu 2018.

Pogba yavuze ko ibyo yavuzweho byose ari ibinyoma

Pogba yari mu ikipe y'igihugu y'u Bufaransa yatwaye igikombe cy'Isi mu 2018





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • rCUOTAdhjbV4 weeks ago
    GoPYXaIr


Inyarwanda Art Studio

Inyarwanda Art studio
Inyarwanda BACKGROUND