RFL
Kigali

Ubuhamya bwa Sarah wihaye Pansiyo ku mwuga w’uburaya nyuma yo kuryamana n’abagabo 28,000 agahabwa ishimwe rikomeye

Yanditswe na: David Mayira
Taliki:17/10/2020 14:28
0

Umwuga w’uburaya ni kimwe mu bintu bidindiza umuntu mu iterambere rye kubera ko aba yaramenyereye kurya akatamuvunye, atakuye amaboko mu mufuka ngo akore akazi, ari nabyo byatumye umunyakenyakazi, Sarah Mutero, afata umwanzuro wo guhagarika uburaya nyuma yo kuryamana n’abagabo 28,000.



Sarah Mutero w’imyaka 49 y’amavuko, nyuma yo guhagarika umwuga wo kwicuruza, yakiriye isambu ifite agaciro ka Sh120,000 z’Amashilingi ya Kenya i Makuyu, mu Ntara ya Murang'a, ubwo ni hafi Miliyoni 2 z’Amanyarwanda. Bamwe mu bamwifuriza ibyiza kandi basezeranyije gukusanya inkunga yo kumwubakira inzu nyuma yo kuva mu mwuga wo kwicuruza.

Stanley Ngara uzwi nk'Umwami w'agakingiriza wa LVCT akaba ari na we uyobora gahunda yo gusezera ku bakora imibonano mpuzabitsina mu buryo bwa kimuntu, yavuze ko abakora imibonano mpuzabitsina bagize uruhare runini mu kurwanya virusi itera SIDA.

Ati: “Abagabo bazashaka imibonano mpuzabitsina mu buryo bwose, ariko iyo bigeze ku bakora imibonano mpuzabitsina ni umukino utandukanye. Ntabwo bemera imibonano nta gakingirizo nyamara abagabo benshi bashimangira kwishyura byinshi ku bitsina bidakingiye”.

Ngara yongeyeho ati “Abakiriya babo ni abagabo mu bundi bucuti kandi bivuye mu bushakashatsi bwakozwe, abakiriya barindwi kuri 10 basaba imibonano mpuzabitsina idakingiye. Muri aba barindwi, batanu bafite ubushake bwo kwishyura neza. Niba bemeye ayo masezerano urashobora kwiyumvisha uburyo virusi itera SIDA ishobora gukwirakwira. Tugomba kubashimira hamwe na pansiyo y'izabukuru baba bagezemo bagafata umwanzuro”.


Sarah yawe ishimwe nyuma yo gusezera umwuga w'uburaya

Uyu mugore wari unaniwe uyu mwuga, yari amaze imyaka 23 yicuruza aho ibihumbi n’ibihumbi by’abagabo bo mu gace avukamo ka Embu na Majengo baryamanye nawe.

Ku buhamya bw’uyu mugore, ashimangira ko nibura ku munsi yaryamanaga n’abagabo barenga 20, cyane cyane mu gihe yari agifite agatege ku myaka 20 y’amavuko. Uko imyaka yagendaga ishira, ibihe by’ubukungu byabaye nk’ibigoye no guhatana gukomeye n’abandi bagore n’abakobwa aho yashoboraga kwinjiza abagabo bane buri munsi. Ibi bivuze impuzandengo ya 100 buri kwezi, ibyatumye mu myaka 23 yita ku bagabo nibura abarenga 28,000 yaryamanye nabo.

Ati: "Ntabwo ari ibintu byoroshye guhaza umubare munini w'abagabo, bamwe bakaba ari abagome, nyamara amaherezo turakennye. Uburaya ni ugukuramo ibishyimbo byo kurya udashobora no kuzigama. Ibintu byose ninjije mu gukorera abagabo imibonano mpuzabitsina nabijyanaga mu kugura imyenda, rimwe na rimwe nkishyura aho kuba ndetse wenda nkanarya abana nabo bakabasha no kwiga”.

Mu bucuruzi bw'imibonano mpuzabitsina, ibiciro bigenwa n'ibipimo n'ahantu. Mu midugudu, Majengo n'ahantu nk'aho, imvugo abakora umwuga w’uburaya bita “Shot” “agashoti” ni amashiringi Sh100. Mu mujyi rwagati ishoti igura Sh200 no hejuru mu rwego rw’ababikora bo mu rwego rwo hejuru.

Muri Majengo, abakora imibonano mpuzabitsina bakodesha amazu y’ibyondo ku 4.500 buri kwezi kandi bagomba guhagarika ubucuruzi saa 11h00. Sarah yabajijwe niba Shot ari 100 abagabo yagombaga kuryamana nabo.

Ati: Benshi. Niyo mpamvu tutirengagiza abakiriya uko bashobora kwishyura kandi barengeje imyaka 18. Nubwo nshaje, abasore barankunda kuko tubafata neza, kandi niba ari ababitangira tubereka uburyo bwo kwambara agakingirizo no gukora imibonano mpuzabitsina ishimishije. Abakiriya banjye bafite hagati y’imyaka 18 na 35”.

Mutero ari mu bakora imibonano mpuzabitsina ashaje mu mujyi kandi yahisemo kujya mu kiruhuko cy'izabukuru no guha urugero abo bakorana, bamwe bari mu kigero cy'imyaka 60.

Ati: “Abakobwa bakiri bato. Nanjye mbona bidasanzwe mu gihe abakiriya bamwe duhuye bambwira ko nabakoreye neza hashize imyaka itanu cyangwa icumi. Baribaza uko nkiri muzima no mu bucuruzi. Nanze benshi basaba ko twashyingiranwa, cyane cyane nyuma yo kubaha imibonano mpuzabitsina ishimishije”.

Yongeyeho; Ati: “Ndashaka kujya mu kiruhuko cy'izabukuru no gutuza ntuje. Sinzasubira mu mihanda. Oya, ndashaka ubuzima butuje hamwe n'abana banjye kandi sinshishikajwe no kubona umugabo.”

Ivomo; Standardmedia.co.ke






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND