RFL
Kigali

Ubushakashatsi bwerekanaye ko agakoko gatera Covid-19 gashobora kumara iminsi 28 katarapfa

Yanditswe na: Christian Mukama
Taliki:16/10/2020 6:44
0

Ubushakashatsi buherutse gushyirwa ku mugaragaro bwerekanye ko agakoko ka Sars-CoV-2, ari ko gatera Covid-19, gashobora kumara iminsi 28 katarapfa. Iyi minsi aka gakoko gashobora kuyimara ari uko aho kari hatarengeje ubushyuhe budakabije.



Ikigo cyo muri Australia gifite kwita ku ndwara zandura n’ibyorezo kimwe no kuzikumira ni cyo cyatangaje ubu bushakashatsi. Mu byagaragajwe ni uko aka gakoko gashobora kumara iyi minsi yose kakiri kazima ku bikoresha dukoresha mu buzima bwacu bwa buri munsi. Bimwe mu bikoresho bishobora gufasha Sars-CoV-2 kurama harimo nk’ibirahure bya za terefoni ngendanwa, ibikoresho byo mu gikoni bitagera ku bushyuhe bwinshi butarenze 20ºC, ku meza y’akazi ndetse n’ibindi.

Uko izamuka mu bushyuhe rizamuka ni virus ya Sars-CoV-2 igabanya ubukana. Muri ubu bushakashatsi ubukana bw’iyi virus bwageragerejwe ahantu hatandukanye ariko uko ubushyuhe bwiyongeraga bukava kuri 20 ºC ni ubudahangarwa n’ubukana bw’aka gakoko bwagabanyukaga.

Ubu bushakashatsi bwerekanye na none ko iyi virus ya Sars-CoV-2 ishibora kumara igihe cyavuzwe haruguru ku birahure cyangwa impapuro kimwe n’inoti kurusha uko yatinda ku mwenda.

Umwarimu n’umushakashatsi akaba n’inzobere mu ndwara z’ibyorezo, Prof. Peter Collignon yasobanuye ko ubu bushakashatsi bwakorewe nta mirasire y’izuba yahageraga. Uyu mwarimu muri Kaminuza Nkuru y’ Australia yavuze ko uru iyi mirasire kubera ubushyuhe bwayo, ifite ubushobozi bwo kugabanya ubukana bw’iyi virus.

Collignon yatangaje na none ko ubwandu buterwa no gukora ku bikoresho nk’ibirahure bya za terefoni n’ibindi twavuze buri ku kigero cya 10%. Iyi nzobere yongeye gushimangira ko ubwandu bwinshi buri ku kigero hafi cya 90% giterwa buterwa no kwanduzanya hagati y’abantu biturutse ku matembabuzi.

Ingingo tutakwirengangiza kuri ubu bushakashatsi dusanga ku rubuga rw’ubushakashatsi (Scientific Journal) rwa Virology Journal, ni uko, Sars-CoV-2 ishobora kuramba iri ku bikoresho twavuze kurusha virus isanzwe itera ibicurane. Sars-CoV-2 ishobira kuramba iminsi 10 yisumbuye ku yo virus isanzwe itera ibicurane imara iyo iri ku bikoresho twavuze haruguru. 






TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND