Tchouplaou yageze ku Kibuga Mpuzamahanga cy'Indege cya Kigali i Kanombe mu gitondo cyo kuri uyu wa Gatandatu, tariki ya 27 Kamena 2026, saa 02:05, yakirwa n'Umuyobozi ushinzwe Tekiniki muri Rayon Sports, Dylan Lienard, ndetse n'Umuvugizi w'iyi kipe, Gakwaya Olivier.
Uyu myugariro yageze muri Rayon Sports avuye muri Casric Stars, ikipe ikina mu Cyiciro cya Kabiri muri Afurika y'Epfo, aho yari amaze igihe yitwara neza.
Biteganyijwe ko Rayon Sports izatangira imyitozo ku wa Mbere, tariki ya 29 Kamena 2026, mbere yo kwerekeza mu Karere ka Gicumbi gukorerayo umwiherero wo kwitegura amarushanwa ategereje iyi kipe.
Mu marushanwa iri kwitegura harimo Rayon Sports Day 2026, izaba ku wa 18 Nyakanga 2026, aho biteganyijwe ko izacakirana na Gor Mahia yo muri Kenya mu mukino wa gicuti, ndetse na CECAFA Kagame Cup 2026.
Kugeza ubu, Rayon Sports ikomeje kwiyubaka yongeramo abakinnyi bashya, mu rwego rwo kongera ubushobozi bw'ikipe no guhatanira ibikombe mu mwaka w'imikino wa 2026/27.