Ibi
yabitangaje mu kiganiro yagiranye n’ikinyamakuru Dazed, iruhande rw’ibikorwa
bya Milan Fashion Week, aho yari yitabiriye ndetse anamurika imyambaro y’inzu y’imideli ya Diesel.
Rema
yavuze ko mbere yo kuririmba akunda gufata “akanya gato ko gusoma ku nzoga
yitwa Tequila”, akanywa itabi ricye, agasenga, hanyuma akaganira n’itsinda
bakorana kugira ngo barebe niba ibikenewe byose byateguwe neza.
Yagize
ati “[Mfata akanya gato] ko kunywa Tequila, akanya gato k’itabi, gusenga,
kwegera ‘team’ yanjye tukareba niba buri kimwe kiri ku murongo.”
Tequila
ni inzoga ikomoka muri Mexico, ikorwa mu mutobe w’igihingwa cya Blue Agave
(Agave tequilana). Akenshi iba ifite 40% bya alcohol (80 proof), nubwo hari
izindi zishobora kujya hejuru gato cyangwa hasi bitewe n’uruganda.
Rema
yasobanuye ko ibyo abikora mu rwego rwo kwitegura mu mutwe no mu mubiri, kugira
ngo ajye ku rubyiniro ameze neza kandi afite imbaraga zihagije.
Uyu
muhanzi ukunzwe cyane mu njyana ya Afrobeats, yavuze ko kuririmba imbere
y’imbaga ari byo bimugora kurusha kumurika imideli.
Ati
“Kuririmba bisaba byinshi, cyane cyane mu bijyanye no guhumeka, kandi ugomba
gukomeza gutuma abafana bagumana umurava n’imbaraga.”
Yagaragaje
ko iyo ari ku rubyiniro aba asabwa gukoresha imbaraga z’umubiri n’ijwi
icyarimwe, bitandukanye no kwerekana imideli aho uba wibanda cyane ku isura
n’imigendekere.
Nubwo
yavuze ko asenga mbere yo kuririmba, Rema yemeye ko kunywa itabi ari byo akunda
cyane kurusha ibindi.
Ibi
bije mu gihe uyu muhanzi akomeje kwagura izina rye ku rwego mpuzamahanga,
atagarukira gusa mu muziki ahubwo akinjira no mu myidagaduro ijyanye n’imideli.
Ku
bijyanye n’indirimbo yumva muri iki gihe, Rema yavuze ko amaze iminsi yumva
cyane umuziki wa gakondo ucurangwa imbonankubone wo muri Sudan.
Ibi
bigaragaza ko akomeje gushaka imizi itandukanye y’umuco n’amajwi mashya
yamufasha gukomeza kwagura umuziki we.
Rema
ni umwe mu bahanzi bakiri bato bakomeje kugira ijambo rikomeye mu muziki wa
Afrobeats ku Isi, aho ibikorwa bye bihuza umuziki, imideli n’imyidagaduro muri
rusange bikomeje kumushyira ku ruhando mpuzamahanga.
Yakunzwe
mu ndirimbo nka ‘Dumebi yo muri 2019. Ni yo ndirimbo yamuhesheje kumenyekana
bwa mbere. Yabaye icyamamare mu rubyiruko, ku mbuga nkoranyambaga no mu
bitaramo bya Afrobeats, imuha ijambo ku isoko ry’umuziki muri Afurika.
Muri
uriya mwaka kandi yasohoye indirimbo ‘Iron Man’ yagaragaje impano ye mu
kuririmba, ikaba yarabonetse mu EP ye ya mbere. Yanashimishije benshi ku Isi,
harimo no ku rutonde rwa Barack Obama rw’indirimbo yakunze, bityo imuha isura
mpuzamahanga.
Muri
2019 yanasohoye indirimbo ‘Lady’ yakunzwe cyane kubera injyana yoroshye
y’urukundo n’injyana idasanzwe yihariye Rema. Iyi ndirimbo yatumye arushaho
gukundwa n’abafana batandukanye.
Muri
2020 yakoze mu ngazo asohora indirimbo ‘Ginger Me’, ni imwe mu ndirimbo ze
z’urukundo zakunzwe cyane muri Nigeria no mu bindi bihugu bya Afurika,
izamufasha gukomeza kwagura izina rye.
Yanasohoye
indirimbo y’ibihe byose yitwa ‘Calm Down’ yagiye hanze muri 2022. Iyi ni yo
ndirimbo yamugejeje ku rwego rw’Isi yose. Ubushuti bwe na Selena Gomez mu
gusubiranamo iyi ndirimbo byayigize iyi ndirimbo mpuzamahanga, ikaba yaraciye
uduhigo twinshi ku mbuga nka Spotify na Billboard.
Rema
yatangaje ko mbere yo kuririmba anywa Tequila n’itabi, agasenga kandi akabanza
kureba niba byose byateguwe neza n’itsinda rye