Ibi Rayon Sports yabitangaje kuri uyu wa Kabiri tariki 22 Kanama 2023 babinyujije ku mbuga nkoranyambaga zayo. Iyi kipe ifite abafana benshi mu Rwanda yavuze ko batandukanye nyuma yo kwicara bakabyumvikanaho ku mpande zombi.
Erik Mbirizi ntabwo yari akibona umwanya wo gukina nyuma y'uko urwego rwasubiye hasi kuva yagira imvune mu mwaka ushize w'imikino ndetse na Rayon Sports ikaba yaraguze abandi bakinnyi bakina mu kibuga hagati barimo n'Umurundi mwene wabo Mvuyekure Emmanuel.
Uyu mukinnyi yari yarageze muri Rayon Sports mu mwaka ushize w'imikino avuye mu ikipe y'iwabo yitwa Le Messager Ngozi.
Nyuma yo gutandukana biravugwa ko Eric Mbirizi ashobora kwerekeza mu ikipe ya Gasogi United akajya kuyifasha muri uyu mwaka w'imikino.
Abandi bakinnyi bivugwa ko bashobora gusohoka mu ikipe ya Rayon barimo umugande,Musa Esenu, Rafael Osaluwe, Rudasingwa Prince ndetse na Mugisha Francois Master.
Erik Mbirizi wamaze gutandukana na Rayon Sports
Rayon Sports yatangaje ko yatandukanye n'umukinnyi wari uwayo ukina mu kibuga hagati