Ku gicamunsi cyo kuri uyu wa Gatatu tariki ya 1 Gicurasi 2024, Perezida Kagame yihanganishije mugenzi we wa Kenya, William Ruto, n'Abanya-Kenya kubera imiryango yakuwe mu byabo n'iya baburiye ubuzima mu myuzure ikomeje kwibasira umurwa Mukuru Nairobi n'ibindi bice by'igihugu.
Mu butumwa Perezida Kagame yanditse yihanganishije Abanya-Kenya na Perezida wabo yagize ati: "U Rwanda rwifatanyije nawe n'igihugu muri ibi bihe bitoroshye.''
Kuva muri Werurwe uyu mwaka, imyuzure yibasiye Kenya imaze guhitana abarenga 180 mu gihe abagera kuri 90 baburiwe irengero.
Abarenga 180 bahitanywe n'imyuzure mu gihugu cya Kenya