Miss Musana Teta Hense agiye gukora ubukwe n’umukunzi we –AMAFOTO

InyaRwanda yabonye amakuru avuga ko aba bombi batangiye gukundana kuva muri Kamena 2021, bivuze ko imyaka itatu irenzeho amezi abiri bunze ubumwe kugeza ubwo biyemeje kuzahuza imiryango mu birori by’ubukwe bwabo binogeye ijisho.

Kopi y’ubutumire bwabo mu bukwe cyangwa se ‘Invitation’ igaragaza ko ku wa 27 Nzeri 2024, ari bwo hazaba umuhango wo gusaba no gukwa, ndetse hazaba n’umuhango wo gusezerana imbere y’Imana, kugirango baragize urugo rwabo Imana.

Musana Teta Hense agiye kurushinga nyuma y’uko muri Nzeri 2022, atangije uruganda rukora ibikombe byo kunyweramo. Byari mu rwego rwo gushyira mu bikorwa umushinga yari yatanze ubwo yiyamamazaga muri Miss Rwanda ya 2021.

Uyu mukobwa asanzwe anafite kompanyi yise ‘Hense Company’, ndetse muri 2021 yabaye Brand Ambassador wa Banki ya Kigali yanamufashije gushyira mu bikorwa umushinga we.

Kuri ‘Invitation’ yabo bagaragaza ko bari gutegura ubu bukwe bisunze ijambo ry’Imana binyuze mu magambo aboneka muri Zaburi 126:3 hagira hati “Uwiteka yadukoreye ibikomeye, Natwe turishimye."

Musana Teta Hense ari kumwe n’umukunzi we Lewis bagiye gukora ubukwe
Musana n’umukunzi we bamaze imyaka itatu bari mu rugendo rw’urukundo 

Musana na Lewis Habimana batangiye gukundana muri Kamena 2021

Musana ari mu bakobwa bitabiriye irushanwa rya Miss Rwanda 2021 

Musana asanzwe afite uruganda rukora ibikombe bya Pulasitike

Musana ari mu bari bitabiriye ibirori 'The Silver Gala' byateguwe na Sherrie Silver