Iyi kajugujugu yari mu butumwa bw’ingabo z’Umuryango w’Ubumwe bw’u Burayi bwo kubungabunga amahoro muri icyo gihugu.
Amakuru yatangajwe na Reuters avuga ko abantu 15 ari bo bari muri iyo kajugujugu igihe yakoraga impanuka.
Mu bapfuye harimo abasirikare babiri b’u
Butaliyani n’abandi babiri bo mu mutwe wa gisirikare w’Umuryango utabara
imbabare wa Croix-Rouge w’u Butaliyani.
Abapfuye
ni abasirikare Simone Ruggia na Claudio Marchesi, ndetse na Lieutenant Franco
Adriano Zecchillo na Sergeant Laura Procacci, bakoraga mu mutwe wa gisirikare
wa Croix-Rouge w’u Butaliyani.
Abakomeretse
11 bajyanywe kwa muganga, aho amakuru yatangajwe kuri uyu wa 30 Ukwakira
yavugaga ko bose bari bamerewe neza ugereranyije n’impanuka bakoze ikomeye,
kandi nta n’umwe wa wakomeretse bikabije ku uryo yari gupfa.
Iyi
kajugujugu yari mu butumwa buzwi nka EUFOR Althea, bwashyizweho muri 2004
kugira ngo bufashe kubungabunga umutekano muri Bosiniya na Herzegovina, nyuma
y’uko ingabo za NATO zari zimaze igihe zikorera muri ako karere.
Ubu
butumwa bujyanye n’amasezerano y’amahoro ya Dayton yo mu 1995, yashyize iherezo
ku ntambara yamaze imyaka itatu muri icyo gihugu.
Ingabo za
EUFOR zatangaje ko kajugujugu yakoze impanuka mu gihe cy’imyitozo isanzwe.
Abatabazi, barimo abashinzwe kuzimya inkongi, abapolisi n’abaganga, bahise
batabara, maze abakomeretse bajyanwa kwa muganga.
EUFOR yatangaje ko yatangije iperereza rigamije kumenya icyateye impanuka.
Yanasabye
abaturage n’itangazamakuru kwirinda gukwirakwiza amakuru ataremezwa, ahubwo
bagakurikira amakuru atangwa n’inzego zibifitiye ububasha.
Nubwo iyi
mpanuka yahitanye abantu bane ikanakomekeramo abandi 11, amakuru yatangajwe na
EUFOR avuga ko nta muturage wayiguyemo kandi ko nta nyubako, imodoka cyangwa
ibindi bikoresho by’abasivili byangiritse.


