Isra The Holy Rapper umuraperi ukizamuka yashyize hanze indirimbo 'Swag' n'amashusho yayo akoranye ubuhanga -VIDEO

Kuri ubu uyu muraperi yamaze kubona abamufasha cyane ko yinjijwe mu nzu nshya ifasha abahanzi ya KIKAC Music, inzu isanzwemo umuhanzikazi Gihozo. Nyuma yo gusinya amasezerano y'imikoranire kuri ubu Isra The Holy Rapper yashyize hanze indirimbo ye ya mbere nyuma yo gusinyira amasezerano KIKAC Music.

Iyi ndirimbo nshya ya Isra The Holy Rapper yise 'Swag' yakozwe na Producer Davdenko mu gihe amashusho yayo yafashwe akanatunganywa na Fayzo. Amashusho y'iyi ndirimbo agaragaramo udushya turimo imyenda ya gisirikare, imbunda, Kajugujugu nibindi binyuranye bigaragaza Umuhanzi mwiza wa Hip Hop.