
Kane, usanzwe ari
kapiteni w’u Bwongereza, amaze kwandika amateka akomeye arimo kuba umukinnyi
umaze gukinira igihugu imikino myinshi ingana na 126 ndetse n’ufite ibitego
byinshi kurusha abandi, aho afite 92. Ibyo byatumye ashyirwa mu bakinnyi
bakomeye bagize amateka y’iki gihugu.
Ku mwanya wa mbere hari
Sir Bobby Charlton, wakiniye u Bwongereza imikino 106, agatsinda ibitego 49.
Yagize uruhare rukomeye mu gufasha iki gihugu kwegukana Igikombe cy’Isi cya
1966, atsinda ibitego bitatu muri icyo gikombe.
Ku mwanya wa kabiri haje
Bobby Moore, wabaye kapiteni wenyine mu mateka wayoboye u Bwongereza mu
kwegukana Igikombe cy’Isi cya 1966.
Harry Kane uri ku mwanya
wa gatatu, amaze gutsinda ibitego 21 mu mikino 36 y’Igikombe cy’Isi na Euro
yakinnye. Yanegukanye igihembo cy’uwatsinze ibitego byinshi mu Gikombe cy’Isi
cya 2018, aho u Bwongereza bwageze muri 1/2 cy’irangiza.
Ku mwanya wa kane hari
Gary Lineker, watsinze ibitego 48 mu mikino 80 yakiniye igihugu, naho uwa
gatanu uhabwa umunyezamu Gordon Banks, wegukanye Igikombe cy’Isi cya 1966.
Abandi bakinnyi bari muri
uru rutonde ni Wayne Rooney uri ku mwanya wa gatandatu, Jude Bellingham ku wa
karindwi, Billy Wright ku wa munani, Paul Gascoigne ku wa cyenda na David
Beckham ku mwanya wa 10.
BBC Sport ikora uru rutonde
yashingiye ku bushobozi bw’abakinnyi, uruhare bagize mu mateka y’ikipe
y’igihugu, ibihe by’ingenzi bayihesheje ndetse n’igihe bamaze bayikinira.
Icyakora, uru rutonde
rushobora gukurura impaka bitewe n’uko mu mateka y’u Bwongereza habayeho abandi
bakinnyi bakomeye batabashije kurubonaho, barimo Steven Gerrard, Frank Lampard,
Paul Scholes na Geoff Hurst.
