Izi filime zerekana uburyo sinema yo muri 2026 ikomeje gutera imbere, ivangamo ikoranabuhanga, inkuru z’ubuzima busanzwe, n'urwenya. Abakunzi ba sinema bafite byinshi byo kwitega muri uku kwezi kwa Gicurasi.
1. Animal Farm
Iyi filime ishingiye ku gitabo kizwi cyane cya George Orwell, aho inyamaswa zifata ipfundo ry’ubuyobozi bw’ikiraro cyazo, ariko zikaza kugwa mu butegetsi bw’igitugu bw’ingurube yitwa Napoleon.
Ubu ni animasiyo nshya iyobowe na Andy Serkis, aho Seth Rogen atanga ijwi rya Napoleon. Filime ivanzemo urwenya n’ubutumwa bukomeye bwa politiki, igaragaza impinduka z’ubutegetsi n’igitugu.
2. The Devil Wears Prada 2
Nyuma y’imyaka 20, iyi filime izwi cyane igarutse mu gice cya kabiri. Anne Hathaway agaruka ari Andy, umunyamakuru ushaka inkuru zikomeye, naho Meryl Streep akagaruka ari Miranda Priestly, umuyobozi w’ikinyamakuru cy’imideli uzwiho ubukare n’igitinyiro. Stanley Tucci na Emily Blunt nabo bagaruka muri iyi filime yiganjemo imyambarire n’urwenya rwa Hollywood.
3. Star Wars: The Mandalorian and Grogu
Ni filime nshya ishingiye ku isi ya Star Wars. Igaragaza intambara zikomeye, ibinyabiziga byo mu kirere n’ubushakashatsi bushya mu isanzure. Ni filime ya mbere ya Star Wars igiye kujya mu ma sinema kuva 2019.
4. The Sheep Detectives
Iyi ni filime y’urwenya n’ubugizi bwa nabi igaragaramo amatungo avuga (CGI sheep). Ivuga ku mukobwa w’umwungeri usoma ibitabo by’ubugizi bwa nabi, aho intama ze zifasha gushakisha ukuri nyuma y’urupfu rwe. Filime ivangamo urukundo, urwenya n’ubushakashatsi.
5. Two Pianos
Ni filime y’Abafaransa ivuga ku mucuranzi wa piano wagarutse mu rugo rwe nyuma y’imyaka myinshi. Igaruka ku rukundo, urupfu n’amateka y’ubuzima binyuze mu muziki. Ni filime yiganjemo amarangamutima akomeye.
6. Remarkably Bright Creatures
Iyi filime ishingiye ku nkuru y’igitabo kizwi. Igaruka ku mubano w’abantu babiri bafite ibikomere by’ubuzima. Sally Field na Lewis Pullman ni bo bakinnyi bakuru.
7. Billie Eilish: Hit Me Hard and Soft – The Tour (Live in 3D)
Ni filime y’iserukiramuco rya muzika ya Billie Eilish, iyobowe na James Cameron. Ni igitaramo kiri mu 3D cyerekana ubuhanga n’imyiyerekano ye ku rubyiniro.
8. Backrooms
Ni filime y’ubwoba ishingiye ku nkuru zakwirakwiye ku mbuga za internet zivuga kuri “Backrooms” — inzira zidashira z’icyumba kidasanzwe. Igaruka ku muntu winjira mu isi y’akaga katamenyekana.
9. I Love Boosters
Ni filime ivuga ku itsinda ry’abajura b’imyambaro ya luxury bagamije kurwanya capitalism mu buryo busetsa. Keke Palmer na Naomi Ackie ni bamwe mu bakinnyi bakuru.
10. The Salt Path
Iyi filime ishingiye ku nkuru y’umuryango wanyuze mu buzima bugoye, ugafata urugendo rurerure rwo ku nyanja y’u Bwongereza mu gushaka amahoro. Ivuga ku kwihangana n’imbaraga z’ubuzima.
Src: BBC