Ibi byavugiwe mu muhango iyi kipe ifatanyije n’umujyi wa Kigali bari bateguye kuri uyu wa Gatanu tariki 04 Mata 2025. Uyu muhango wabanjirijwe n’umukino ikipe ya As Kigali yatsinzemo Police WFC ibitego 3-2, ukaba wari umukino w’ikirarane cya shampiyona.
Ikipe ya As Kigali yari iherutse gusezererwa n’ikipe ya Police WFC mu mikino y’igikombe cy’amahoro kuko yatsinzwe umukino ubanzaa ibitego 2-1 ndetse umukino wo kwishyura inganya 0-0.
Uwamahoro Geneviève, Umuyobozi Nshingwabikorwa Wungirije mu karere ka Nyarugenge, yatangaje ko biteguye guca ikibazo cy’amikoro make ari mu ikipe.
Yagize Ati " Ndagira ngo nshimire ikipe ya As Kigali WFC yateguye uyu munsi kugira ngo bahuze abafana n’urundi rubyiruko. Iyo murebye kiriya cyapa cyanditseho umwari ukeye, hariya baba bavuya As Kigali WFC. Turashaka ko iyi kipe itazongera kugira ibibazo by’amikoro, ndetse igomba kubaho ifite amafaranga ndetse n’abafana benshi."
Umuyobozi kandi yashimiye abaterankunga bahisemo kwifatanya na As Kigali WFC harimo Be one Gin yemeye kuba hafi iyi kipe.
Kuri ubu ikipe ya As Kigali iri ku mwanya wa 3 n’amanota 36, ikaba uyu mwaka nta gikombe ezegukana nyuma yo gusezererwa mu gikombe cy’amahoro ndetse shampiyona ikegukanwa na Rayon Sports WFC.
Ikipe ya As Kigali n’inzoga ya Be one Gin bafitanye imikoranire igamije guteza imbere umupira w’amaguru mu bagore
