Kigali

Takahiro wishe abantu 9 bahuriye kuri Twitter ashobora gufungwa hagati y’amezi 6 kuko yishe abo babyumvikanyeho

Yanditswe na: David Mayira
Taliki:1/10/2020 11:29
1

Imbuga nkoranyambaga ni kimwe mu bintu biri gukoreshwa n’abantu benshi ku isi, hari ufungura urukuta runaka agamije ubugome kandi uwo muntu aza atanga ubutumwa bwiza bwo gufasha abakene cyangwa abababaye. Kuri ubu umugabo wo mu Buyapani Takahiro Shiraishi yishe abantu 9 bahuriye kuri Twitter.



Takahiro Shiraishi, wahimbwe izina ry'"umwicanyi wo kuri Twitter", yatawe muri yombi mu 2017 nyuma y'uko ibice by'imirambo bisanzwe mu nzu ye. Kuwa 30 Nzeri 2020, yabwiye urukiko rwo mu murwa mukuru Tokyo ko ibyo aregwa "byose ari ukuri". Ariko abunganizi be mu mategeko bavuga ko ibyo birego bikwiye kugabanywa kuko bigaragara ko abo yishe babanje kwemera ko abica.

Japanese prosecutors want to see suspected 'Twitter Killer' hang | St  Thomas Times Journal

Mu gihe urukiko rwaba rubimuhamije, Bwana Shiraishi yahabwa igihano cy'urupfu - mu Buyapani gitangwa bamanika mu mugozi uwo bagikatiye. Uru rubanza rurimo gukurikiranirwa hafi muri iki gihugu.

Mu iburanisha rya mbere ry'ejo ku wa Gatatu, abantu barenga 600 batonze umurongo bashaka kujya mu myanya 13 yagenewe abaje kumva urubanza, nk'uko bitangazwa n'igitangazamakuru NHK cya leta y'u Buyapani.

NHK ivuga ko ubushinjacyaha bwabwiye urukiko ko uregwa yafunguye konti kuri Twitter mu kwezi kwa gatatu mu 2017 agamije "kugera ku bagore batekereza ku kuba bakwiyahura, yabonaga ko bo byoroshye kubageraho".

Umunani mu bo aregwa kwica bari abagore, umwe muri bo yari afite imyaka 15. Umugabo umwe gusa mu bo aregwa kwica wari ufite imyaka 20, yishwe amaze guhangara Bwana Shiraishi amubaza aho umukobwa bakundanaga yarengeye, nkuko bivugwa n'ibitangazamakuru byo mu Buyapani.

Uyu mugabo uregwa w'imyaka 29, bivugwa ko abo yishe yabashukaga ababwira ko yabafasha gupfa ndetse rimwe na rimwe akavuga ko aziyica agapfana na bo.Umwirondoro we kuri Twitter warimo amagambo agira ati: "Ndashaka gufasha abantu bafite ububabare bukomeye. [Wanyoherereza] DM [ubutumwa bwo mu ibanga] igihe icyo ari cyo cyose".

Ubwo bwicanyi bw'uruherekane bwatahuwe ubwo polisi yarimo ishakisha umukobwa waburiwe irengero, isanga ari umwe bo uwo mugabo aregwa ko yishe.Abapolisi basatse inzu ya Bwana Shiraishi iri mu mujyi wa Zama, hafi y'i Tokyo, bahasanga ibice by'imirabo y'abantu

Abunganira mu mategeko Bwana Shiraishi bavuze ko abo yishe bari babanje kubyemera, ko rero ibirego bikwiye kugabanywa bikaba "kwicwa wabanje kubyemera" .Ibi bihanishwa igihano cyo gufungwa cyo hasi, kiri hagati y'amezi atandatu n'imyaka irindwi.

Ariko byatangajwe ko Bwana Shiraishi atemeranya n'abanyamategeko be kuri iyo ngingo.Yabwiye ikinyamakuru cyaho cyitwa Mainichi Shimbun, gisohoka buri munsi, ko yishe abo yishe batabanje kubyemera.

IVOMO: BBC






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • fodredlocks11 months ago
    Mbashije kumirwa



Inyarwanda BACKGROUND