Paris Saint Germain yitegura umukino wa shampiyona ikomeje gutakaza abakinnyi bayo

Neymar na we ari mu kato nyuma yo kwandura coronavirus

Nku'ko byatangajwe n'ishyirahamwe ry'umupira w'amaguru mu gihugu cy'u Bufaransa, Mbappe yapimwe ubwo yarari mu nshingano z'ikipe y'igihugu, basanga yanduye Coronavisus bituma ahita ashyirwa mu kato.

Paris Saint Germain Mbappe asanzwe akinira iri mu myiteguro yo gutangira imikino ya shampiyona aho yari ifite umukino kuri uyu wa kane tariki ya 10 Nzeri 2020.

Kylian Mbappe abaye umukinnyi wa karindwi wa Paris Saint Germain wanduye Coronavisus mu gihe gito harimo na Neymar Junior. Bikaba biteye impungenge ku mukino ubanza wa shampiyona, bishobora no gutuma uyu mukino usubikwa.

Kylian Mbappe yaherukaga mu kibuga kuri uyu wa gatandatu tariki 05 Nzeri 2020 ubwo ikipe y'u Bufaransa yatsindaga Suwede igitego 1-0 cyatsinzwe y'uyu musore w'imyaka 21 y'amavuko.