RFL
Kigali

Ni iki cyavuye mu biganiro byahuje se wa Messi na Perezida wa Barcelona Bartomeu?

Yanditswe na: SAFARI Garcon
Taliki:3/09/2020 10:20
0


Kuri uyu wa Gatatu tariki 02 Nzeri 2020, itsinda ry’abagabo barimo Papa wa Messi ‘George Messi’ n’umujyanama we basesekaye i Catalonia bavuye i Rosario muri Argentine, baje kuganira kuhazaza ha Messi wamaze kwerura amenyesha iyi kipe ko atazayikinira mu mwaka utaha w’imikino.



Gorge Messi akaba ari na we mujyanama w’umuhungu we mu by'akazi, yahuye na Perezida Josep Maria Bartomeu w'ikipe ya Barcelona baganira kuri ejo hazaza h'uyu rutahizamu ukomoka muri Argentine.

Ku wa Kabiri w'icyumweru gishize, Messi w'imyaka 33 yamenyesheje iyi kipe ko ashaka kuyivamo kuri iyi mpeshyi, agasoza igihe cy'imyaka 20 ayimazemo.

Guillem Balagué, umunyamakuru w'imikino wo muri Espagne, avuga ko nta mwanzuro impande zombi zagezeho muri ibyo biganiro by'ejo ku wa gatatu, akaba yiteze ko hazaba ibindi biganiro. Ati: "Ntekereza ko mu gihe runaka hazabaho kwinjira mu cyiciro cy'amasezerano Messi akagenda".

Manchester City iri guhabwa amahirwe menshi yo kugura uyu mukinnyi wegukanye igihembo cya 'Ballon d'Or' inshuro esheshatu, nk'uwarushije abandi bakinnyi ku isi. Uyu munyamakuru Balagué avuga ko iyi kipe yo muri Premier League "yamaze kwemeza Messi".

Ariko Messi na Barça ntibumvikana ku ngingo iri muri kontaro ye nshya ijyanye no kuba yaba yemerewe kuyivamo ku buntu.

City yacyenera ko Barça yemera ko ayivamo ku mafaranga ari munsi ya miliyoni 700 z'ama-euro yo kumwemerera kuyivamo, nkuko bikubiye muri iyo kontaro ubu Messi na Barça batavugaho rumwe.

Aganira na BBC Balagué yagize ati: "Barashaka City ko rwose ibi bintu bishoboka. Ikibazo gusa ni uko imibare itari guhura".

Hari ingingo yongewe muri kontaro nshya ya Messi yo kugera mu mwaka wa 2021, ivuga ko ashobora kuva muri Barça ku buntu.

Iyo ngingo ivuga ko yashoboraga kuyivamo iyo aza kubimenyesha ikipe ye bitarenze ku itariki ya 10 y'ukwezi kwa gatandatu uyu mwaka, itariki yari guhura n'impera ya shampiyona.

Ariko, icyorezo cya coronavirus cyatumye umwaka w'imikino 2019-2020 ukomeza ukagera ku itariki ya 23 y'ukwezi gushize kwa munani, ku itariki ya 25 asaba kuva muri iyi kipe.


Ibiganiro hagati ya Jeorge Messi na Bartomeu ntibyagenze neza biravugwa ko hakenewe undi mwanya


Messi yamaze kumenyesha FC Barcelona ko atazayikinira mu mwaka utaha





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND