Sobanukirwa byinshi ku munsi w’imbwa wizihizwa none

Umunsi w’imbwa wizihizwa ku ya 26 Kanama 2020 ukaba warashyizweho kugira ngo amoko yose y’imbwa abashe kwizihizwa. Uyu munsi kandi ufasha gushishikariza abantu kumenya umubare w’imbwa zigomba gutabarwa buri mwaka.

Mu buzima nta watsindira umutima w’umuntu nk’inshuti ye magara. Ni muri urwo rwego hatekerejwe kw’ipfundo ry’ubucuti riri hagati y’umuntu n’imbwa bityo hashyirwaho umunsi wagenewe imbwa.

Fata umwanya wo gushima urukundo n’agaciro imbwa zizana mu buzima bwa muntu, gira icyo ukorera imbwa zitagira aho ziba kandi zihohoterwa ku isi hose, zirikana ku mutekano zigiramo uruhare by’umwihariko ko zifashishwa mu bikorwa bikomeye byo kurinda umutekano;

Ko zifasha abafite ubumuga bwo kutabona, kutavuga no kutumva. Muri rusange, imbwa zidukorera byinshi twebwe abantu, uyu akaba ari wo mwanya mwiza wo kugira ngo natwe tugire ibyo dukorera imbwa. Gira ibyo umenya ku munsi wagenewe imbwa utitaye ku mafaranga macye ufite, ku mutungo mucye ufite kuko gutunga imbwa hari byinshi bigufasha.

Uyu munsi ni uwo guha icyubahiro izi nyamaswa zikora zitizigamye kugira ngo tubeho dutekanye, dufite ubwisanzure, tutirengagije ko zidutabarira ubuzima. Buri munsi izi nyamaswa zishira ubuzima bwazo mu kaga kugira ngo twe tubeho. 

Hari imbwa zifashishwa mu kumenya ahari ibiyobyabwenge, ahari ibisasu n’ibindi bigiye bitandukanye. Ibi byose ni ibigaragaza ubutwari bwazo kandi bigaragaza ko zifite umwanya wihariye mu buzima bwacu twebwe abantu bityo rero birakwiye ko tuzubaha.

Bimwe mu byerekana ko imbwa zihambaye ni uko: umuhigi wa mbere wabayeho mu mateka y’isi ari imbwa ikomoka muri Afrika, izi mbwa zatsinze kuva kuri 50% kugera kuri 70% by’abahiga ndetse zikaba zaranditse amateka yo gutsindira Guiness World Record.

Buri mwaka ku munsi nk'uyu Isi yose yizihiza umunsi w'imbwa