Kuva mu mpera z’umwaka wa 2019 isi yose yibasiwe n’icyorezo cya Coronavirus. N’ubwo mu Ukuboza k’umwaka ushize ari bwo abarwayi ba mbere bagaragaye mu Bushinwa, iki cyorezo cyatangiye gukwirakwira ku isi muri Werurwe 2020. Bitewe n’ukuntu cyashegeshe isi n’imibare tubona none ntawashidikanya kwibaza niba hari aho kitaragera.
Nk'uko byavuzwe ruguru, mu Ukuboza
2019 ni bwo Abashinwa bagize ibihe bidasanzwe kubera icyorezo cyari kimaze
gutangira muri iki gihugu. Ntibyatinze, mu gihe cy’icyumweru kimwe gusa cyari
kimaze kuvumburwa nka virus yari imaze gufata ndetse kigatera bamwe urupfu,
byarangiye Umuryango Mpuzamahanga wita ku Buzima wanzuye ko iki ari icyorezo
kandi cyugarije isi.
Tugendeye ku mibare itangazwa n’Umuryango
Mpuzamahanga wita ku Buzima kimwe na Kaminuza ya Johns Hopkins, abamaze kwandura iki cyorezo ari miriyoni hafi 30. Abamaze kwicwa n’iki cyorezo
cya Coronavirus bamaze kugera ku bihumbi 760 nyamara abakize bo ni miriyoni 13.
Uwagendera kuri iyi mibare ntiyashidikanya kwibaza niba koko hari igihugu iki
cyorezo kitarageramo.
Dore ibihugu bitaratangaza umurwayi n'umwe wa COVID-19:
1. Kiribati
2. Ikirwa
cya Marshall
3. Micronesia
4. Nauru
5. Koreya
ya Ruguru
6. Palau
7. Samao
8. Ikirwa
cya Salomon
9. Tonga
10. Tuvalu
11. Vanuatu
Ibyinshi muri ibi bihugu ni
ibirwa. Magingo aya iki cyorezo kimaze kugera mu bihugu 188 ku isi.
TANGA IGITECYEREZO