RFL
Kigali

Mu Buhinde: Inkongi y’umuriro yahitanye abarwayi 8 ba coronavirus mu bitaro by’ahitwa Ahmedabad

Yanditswe na: Liliane Kaliza
Taliki:6/08/2020 14:20
0


Mu rukerera rwo kuri uyu wa kane abarwayi ba coronavirus bahitanywe n'inkongi y'umuriro yibasiye ibitaro bari barwariyemo



Byibuze abarwayi umunani ba coronavirus ni bo bapfiriye mu nkongi y’umuriro yibasiye mu gice cyita ku barwayi mu bitaro byo mu mujyi wa Ahmedabad mu Burengerazuba bw'Ubuhinde mu rukerera rwo kuri uyu wa kane.

Byatwaye abashinzwe kuzimya umuriro igice cy'isaha kugira ngo umuriro ube ushize mu bitaro bya Shrey i Ahmadabad, nk'uko umuyobozi wa Yusuf Khan abivuga, yavuze ko abarwayi 35 bimuriwe mu bindi bitaro.

Inkongi y'umuriro yatangiye ahagana mu ma saa cyenda za mu gitondo ku bitaro byo mu gace ka Navrangpura, Iperereza ryatangiye kugirango hamenyekane icyateye iyi nkongi.

Polisi yabujije abavandimwe b’abahitanywe n’inkongi y’umuriro kwinjira mu bitaro kubera umujinya mwinshi bari bafite bafite.

Minisitiri w’intebe w’Ubuhinde, Narendra Modi yanditse ku rubuga rwa Twitter ati: "Nababajwe n’inkongi y’umuriro yabereye i Ahmedabad, Ihumure ku miryango yabuze ababo, Ubuyobozi butange ubufasha bwose bushoboka ku bababaye."

Inkongi y'umuriro ikunze kugaragara mu nyubako zo mu Buhinde kubera umutekano muke kandi udahagije muri izi nyubako

Src: News Agencies






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND