RFL
Kigali

Yishwe na Coronavirus nyuma y’iminsi ibiri akoze ubukwe bwanduriyemo abantu 95

Yanditswe na: David Mayira
Taliki:2/07/2020 9:42
0

Inkuru iri kuvugwa mu gihugu cy’u Buhinde mu gace ka Paliganj, ni uko umugabo yapfuye nyuma y’iminsi ibiri akoze ubukwe bituma hafatwa ingamba zo gupima ubu bwandu abashyitsi bagera kuri 95 bari bitabiriye ibi birori basanga banduye Covid-19.



Uyu mugabo w'imyaka 30 utaravuzwe izina, bivugwa ko yari afite ibimenyetso bya Covid-19 kandi akaba yari arwaye ubwo yashyingirwaga mu mudugudu wa Paliganj wo mu Buhinde hafi ya Patna. Ibi bije kandi nyuma yaho Injeniyeri wa software ukomoka muri Gutugram apfuye azize iyi virus mu gihe abayobozi bamenyeshejwe urupfu rwe ni bwo bavuganye na bene wabo bitabiriye ubu bukwe maze 15 bari babwitabiriye bapimwa ko banduye coronavirus.


Abandi bandi 80 bitabiriye ubu bukwe barakurikiranwe barapimwa bose basangwamo coronavirus bituma iki icyorezo gitangira gukwira muri leta ya Bihar, nk'uko India Today ibitangaza. Icyaje gutangaza benshi ni uko umugeni w’umugabo wapfuye we ntabwo yasanganywe ubwandu bwa Covid-19.

Abayobozi bavuga ko ubukwe bwo ku ya 12 Gicurasi 2020 bwarenze ku mategeko yo gukumira coronavirus bica kandi gahunda ya 'Guma mu rugo' kandi umukwe yagaragazaga ibimenyetso byerekana ko yari afite coronavirus.

Uyu muhango kandi yarenze ku mategeko agenga imibereho no kubuza guhura kw'abantu barenga 50. Mu bundi bukwe bwabereye mu Buhinde, sekuru w'umukwe yarapfuye abatumirwa 14 bandura coronavirus mu birori byabereye i Bhilwara bikitabirwa n'abantu 250.

Abarwayi bose uko ari 15 binjiye mu bitaro abandi 127 bashyirwa mu kato nyuma yo kwitabira ubukwe ku ya 21 Kamena 2020. Guverinoma ya Rajasthan yategetse Se w'umukwe kwishyura ikiguzi cy'ikigo cya karantine n'amafaranga yo kwivuza kuri abo barwayi agera ku madorari 6,800.

SRC:indiatoday






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND