Leta zirimo Alabama, Arkansas, Arizona, Florida, Carolina y'Amajyaruguru, Carolina y'Amajyepfo, Texas na Utah zashyizwe mu kato na New York kubera ubwiyongere bukabije bw’icyorezo cya coronavirus.
Leta eshatu ari zo New York, New Jersey na Connecticut zasabye abantu bakoze
ingendo muri zimwe muri leta aho Covid-19 yiyongereye gushyirwa mu kato k’iminsi
14 mbere y'uko binjira muri izi Leta 3 tuvuze haruguru dore ko zimaze gukora ibishoboka mu kugabanya ubwandu bushya bwa Coronavirus.
Kaminuza ya Washington ivuga ko biteganijwe ko abantu 180,000 bazapfa bitarenze
mu Ukwakira – cyangwa hagapfa abagera ku 146,000 niba 95% by'Abanyamerika
bambaye masike.
Kugeza ubu, Amerika imaze kugira abantu barenga miliyoni 2.3
banduye virusi ndetse n’abantu barenga 121,000 bishwe na yo. Abashinzwe ubuzima
bavuga ko ibyumweru biri imbere ari ingenzi cyane mu guhashya iki cyorezo.
Ku wa kabiri, impuguke mu ndwara zandura muri Amerika, Dr Anthony Fauci, yabwiye abadepite ko hari "ubwiyongere bukabije bw’ubwandu" kandi ko "kwiyongera kw'abaturage" mu bihugu byinshi byo mu Majyepfo no mu Burengerazuba ari byo bituma ubwandu bwiyongera.
Yabwiye Abanyamerika gufata ingamba zo zo
kongera kwirinda uko bashoboye, ati: "Ikintu cya mbere ukwiye kwirinda ni
ukujya mu bantu, icya kabiri, niba uzi ko ugiye kubikora menya neza ko wambaye Mask".
Kuri ubu, Leta 8 zashyizwe mu kato ni Alabama,
Arkansas, Arizona, Florida, Carolina y'Amajyaruguru, Carolina y'Amajyepfo,
Texas na Utah nk'uko Guverineri wa New York, Andrew Cuomo yabitangarije
abanyamakuru. Abantu baturuka muri izo ntara barimo gutaha i New York, New
Jersey na Connecticut bazabanza gushyirwa
mu kato k’iminsi 14 bahageze.
Bwana Cuomo yavuze ko umuntu uwo ari we wese bazasanga yishe amabwiriza ashobora guhanishwa ihazabu y'amadolari 1,000 (£ 800) ashobora kuzamuka akagera ku 5,000 $ bitewe n’ubwinshi bw’amakosa.
Nk’uko ibiro ntaramakuru Reuters bibitangaza ngo muri
rusange umubare w’ubwandu muri Amerika wazamutseho kimwe cya kane mu cyumweru
gishize, aho leta 10 zavuze ko izamuka ry’abantu ryageze kuri 50%.
Ku wa gatatu, Californiya yatangaje ko hari abantu bashya
7.149 bashya bemejwe, bityo leta ikaba igera ku 190.222. Guverineri Gavin
Newsom yavuze ko Leta yakoze ibizamini birenga miliyoni mu byumweru bibiri
bishize, abagera kuri 5% bakagaruka batanduye. Bwana Newsom yavuze ko kwambara
mask ari itegeko.
Src: Reuters
TANGA IGITECYEREZO