Mu gihe mu gihugu cy’u Burundi hategerejwe uzatsinda amatora nyuma y'aho kuwa 20 Gicurasi Abarundi baba imbere mu gihugu bazindukiye mu matora y’Umukuru w’Igihugu. Amakuru avuga ko mu gihe cy’amatora na nyuma gato yayo abantu barenga 200 b’Ishyaka CNL batawe muri yombi bashinjwa kwica amatora nk’uko Umuvugizi w'ishyaka CNL abivuga.
Terence Manirabona umuvugizi w’ishyaka CNL, avuga ko kuwa Gatatu mu ntara zose z'u Burundi hafunzwe
abantu bo muri iri shyaka barenga 200 abandi bagaciribwa imanza uwo munsi mu gihe abona ko nta birego bifatika bibariho. Avuga ko kandi
no ku munsi wa nyuma w’amatora kuwa Kane
hari abandi bafashwe muri urwo rukurikirane rushingiye ku matora yabaye kuwa Gatatu.
Umuvugizi w'igipolisi cy'u Burundi ejo yabwiye ihuriro
ry'ibitangazamakuru mu gutangaza amatora ko umunsi w'amatora wabaye mu mahoro
hose mu gihugu. Gusa Igipolisi ntacyo kiratangaza ku bivugwa n'ishyaka CNL. Bwana
Manirambona yabwiye BBC ko benshi mu bafunzwe ari abari bagiye guhagararira CNL
ku tuzu tw'amatora ahantu hatandukanye .
Mu magambo ye yagize Ati: "Abo batawe muri yombi byarabonekaga
ko bitari mu kurI kuko bafataga nk'umuntu ngo wowe uje mu matora ukererewe, bagata muri kasho. Abandi bakababwira ko bari gutoba amatora ". Bwana Manirambona avuga
ko hari abahise baciribwa imanza z'ako kanya, akavuga ko izo manza bazicaga uko
babonye.
Mbere y'amatora, minisiteri ishinzwe umutekano
yategetse ko nyuma y'amatora nta bantu bagomba kuguma ku biro by'amatora,
nk'uko hari abakuriye amashyaka bari babisabye abarwanashyaka bayo. Bwana Manirambona
avuga ko abafunzwe kuwa kane atari
benshi, ko ari abari bagiye kureba uko kubara amatora bikorwa kuri za komine
nk'uko babyemererwa n'amategeko.
Ku munsi w’amatora mu Burundi yabaye kuwa Gatatu, imbuga nkoranyambaga
zarahagaritswe, gusa ku mugoroba wo kuri wa Kane zongeye
gusubiraho ku bantu bose bazikoresha.
TANGA IGITECYEREZO