RFL
Kigali

China: Mu mujyi wa Jilin ibintu byahinduye isura! Abarenga 700,000 bongeye gutegekwa kuguma mu rugo ndetse n'imodoka zirahagarikwa

Yanditswe na: David Mayira
Taliki:11/05/2020 8:26
0

Ni nyuma y'aho gahunda ya Guma mu rugo mu mujyi wa Wuhan, yari itangiye gusa nk'aho idohoka bamwe bari mu bikorwa n’ingendo zikora gahoro gahoro, ubu noneho ubwikorezi rusange mu Ntara ya Jilin bwahagaritswe. Nta muntu ujya hanze.



Muri uyu mujyi imodoka zose zihagaritswe ku bwinjiriro bw’umujyi, gari ya moshi nazo zihagaze kugeza 31 Gicurasi. Gufunga gukomeye byafashwe nk’igisubizo cy’ibintu bishya byibandwaho. Komite z'akarere zasabwe gufunga amazu n'imidugudu yo mu karere. 


Habonetse abarwayi bashya 19 ba Koronavirusi muri izi mpera z’icyumweru muri bo 2 ni abaturutse hanze. Umuntu umwe yabonetse i Wuhan ku wa Gatandatu, abandi 11 mu Majyaruguru y’Iburasirazuba bw’igihugu cy’u Bushinwa. Bityo, umujyi wa Shulan wahise wongera ushyiraho gahunda yo kuguma mu rugo, ibikorwa by’ubuzima busanzwe byari byarakomorewe byongera guhagarikwa.

RFI dukesha iyi nkuru ivuga ko Abaturage 700,000 bagomba kuguma mu rugo, mu rwego rwo gukumira ikwirakwira rya Coronavirus , ibigo by'imikino n’ahantu ho kwidagadurira, sinema n’utubari twa karaoke byafunzwe. Amasomo yari yatangiye ku banyeshuri bo mu cyiciro cya 3 n'icya 12 yarahagaritswe

Abaturage 700,000 bagomba kuguma mu ngo ntibasohoke, kuko ahagaragaye abanduye Koronavirusi muri Hubei na Zhejiang mu ntangiriro z’icyorezo mu Bushinwa, umuntu umwe mu muryango ni we wemerewe gusohoka akajya guhaha.

Umugore w’imyaka 45 ni we ukekwaho kuba ari we wazanye uruhererekane rushya rwa Koronavirusi nk’uko bitangazwa na Huanqiu Shibao. Abashinwe ubuzima bakaba batunguwe n’uko uwo mugore adaheruka gukora ingendo kandi akaba ataranahuye n’umuntu wanduye Koronavirusi.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND