RFL
Kigali

Abantu 10 bafite amakipe y’umupira w’amaguru bakize kurusha abandi ku Isi

Yanditswe na: Niyibizi Honoré Déogratias
Taliki:2/05/2020 10:22
0

Kimwe n'amafaranga, gutsinda mu mupira w'amaguru bizana icyubahiro kandi ni inzira yizewe cyane yo gutanga ubushake bwiza muri rubanda muri rusange. Ntabwo bitangaje rero ko umukino wabaye amahirwe yo gushora imari mu baherwe n’aba miliyarideri benshi ku isi.



Dore abafite amakipe y’umupira w'amaguru bakize ku isi

10.Guo Guangchang: Umuherwe waguze ikipe ya Wolves

Wolves ni ikipe ikina Premier league mu Bwongereza, ikaba yaraguzwe n’umuherwe ukomoka mu Bushinwa witwa Guo Guangchang uhagarariye kompanyi yitwa FOSUN Group mu mwaka wa 2016. Bakimara kuyigura bahise bayigira ikipe imwe mu zikomeye mu Bwongereza. Umuherwe w'iyi kipe afite umutungo ugera kuri Miliyari 5.2 z’amapawundi.

9. Zhang Jindong: Umuherwe uhagarariye kompanyi yitwa Suning yaguze Inter de Milan

Intel de Milan ni ikipe ikina Serie A mu Butaliyani. Muri 2016 iyi kipe yaguzwe na kompanyi imwe mu zikomeye muri Aziya yitwa SUNING ihagarariwe n’umuherwe Zhang Jindong w’umushinwa, akaba afite akayabo kagera kuri Miliyari 6.2 z’amapawundi.

8) Nasser Al-Khelaifi: Umuyobozi wa Qatar Sports yaguze Paris Saint-Germain

Paris Saint-Germain ni ikipe ikina muri shampiyona y’u Bufaransa Ligue 1. Mu 2011 iyi kipe yaguzwe na kompanyi yo muri Qatar yitwa Qatar sports investment iyoborwa n’umuherwe witwa Nasser Al-Khelaifi.

Uyu mugabo wahoze akina Tennis, mu 2008 yatorewe kuyobora ishyirahamwe ry’umukino wa Tennis muri Qatar, maze kubera ubucuti yari afitanye na EMIR wa Qatar Sheikh Tamin amugira umuyobozi wa rimwe mu mashami y’ikigo gikomeye ku isi kitwa Qatar Investment Authority mu ishami ryacyo ryitwa Qatar Sports investment. Al Khelaiffi afite amafaranga agera kuri Miliyari 6.5 z’amapawundi.

7) Stan Kroenke: Umuherwe waguze Arsenal

Arsenal ni ikipe ikina muri shampiyona ya Premiel league mu Bwongereza. Ifitwe n’umunyamerika witwa Stan Kroenke ufite n’andi makipe akomeye ari yo LA Rams, Denver Nuggets na Colorado Rapids. Muri 2008 uyu mugabo yaguze imigabane muri Arsenal mbere y'uko yegukana 62% by’iyi kipe mu 2011. Afite umutungo ugera kuri Miliyari 6.8 z’amapawundi akura mu ma kompanyi ye y’ubucuruzi.

6) Philip Anschutzs: Nyiri LA Galaxy

Nyir'ikipe ya LA Galaxy w’imyaka 80 Philip Anschutz ni we dusanga ku mwanya wa 6, akaba atunze akayabo kagera kuri Miliyari 8.1 z’amapawundi. Uyu mugabo ni umwe mu bashinze shampiyona y’umupira w’amaguru ya Leta Zunze Ubumwe za Amerika ndetse akaba yaratunze amakipe menshi arimo Chicago Fire, Colorado Rapids, Houston Dynamo, San Jose Earthquakes, D.C. United na LOS ANGELES GALAXY atunze kugeza ubu.

5) Roman Abramovich: Umuherwe ufite mu biganza ikipe ya Chelsea

Umuherwe w’Umurusiya ROMAN ABRAMOVICH yaguze ikipe ya Chelsea mu 2003 ahita ayihinduramo imwe mu makipe akomeye k’umugabane w’iburayi ndetse no ku isi yose. Uyu mugabo afite umutungo ubarirwa muri Miliyari 9.6 z’amapawundi akomora mu bucuruzi akora burimo ubw’amavuta, ibiryo ndetse n’imbunda.

4) Andrea Agnelli: Umuherwe ufite mu biganza ikipe ya Juventus

Andrea ni umuhungu w’uwahoze ari Chairman w’ikipe ya Juventus akaba anakomoka mu muryango ukize cyane. Uyu muherwe wa Juventus afite akayabo kagera kuri Miliyari 15.7 z’amapawundi akomora mu bucuruzi bw’umuryango we bwo gukora imodoka.

3) Dietrich Mateschitz: Nyiri RB Salzburg, RB Leipzig

Rwiyemezamirimo w’Umunya-Austrian Dietrich Mateschitz ufite ikipe ya RB Leipzig, RB Salzburg ndetse na New York RB ni we dusanga ku mwanya wa gatatu. Uyu mugabo afite akayabo kagera kuri Miliyari 15.7 z’amapawundi akomora mu ruganda afite rukora ikinyobwa cya RED BULL.

2) Sheikh Mansour: Umuherwe waguze ikipe ya Manchester City

Umugabo ukomoka muri Leta Zunze Ubumwe z’Abarabu, Sheikh Mansour yaguze ikipe ya Manchester City mu mwaka wa 2008 ahita ayigira imwe mu makipe akomeye cyane ku isi. Mansour ni Minisitiri w’Intebe wa Leta Zunze Ubumwe z’Abarabu kandi akaba aturuka mu muryango w’ubwami bwa ABU DHABI. 

Usibye kuba afite ikipe ya Man City afite n’izindi ari zo: New York City FC, Melbourne City FC, Yokohama F. Marinos, n’izindi. Aafite ubutunzi bubarirwa muri Miliyari 23.3 z’amapawundi akomora mu kigo yashinze cyitwa City group.

1)Newcastle United :Umuherwe wiy’ikipe yitwa ‘Mohammed bin Salman’

Nyuma y’imyaka 13 ikipe ya NewCastle itunzwe n’umukire witwa Mike Ashley ubu igiye kugurwa n’umuherwe w’umunya Saudi Arabian witwa Mohammed bin Salman ufite kompanyi yitwa Saudi Arabian Public Investment fund. Iyi kompanyi ikaba ifite imikoranire ya hafi na leta y'iki gihugu. Uyu mugabo na kompanyi ye bafite akayabo kagera kuri Miliyari 320 z’amapawundi bakomora mu bikorwa by’iyi kompanyi yabo.

Src: The Sun & Goal.com






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND