OMS yikomye Tanzania ishobora guteza ibibazo Afurika nyuma yo kwanga gufata ingamba zirwanya COVID-19

Uburangare bwa Tanzania bushoboraga gutuma imibare yabandura Coronavirus yiyongera muri kiriya gihugu ibyagira ingaruka ku mugabane wa Afurika wose muri rusange kandi umuyobozi wa Tanzania Pombe Magufuri yari kwigira ku ngamba z’ibindi bihugu.

Tanzia mu murwa mukuru  ibikorwa birakomeje

Umuyobozi wa OMS mu karere k’Afurika, Matshidiso Moeti avuga ko hari impungenge zatewe n'ubwiyongere bw'abantu bari kugenda bandura ubwandu bushya bwa COVID-19. Muri Afurika y'Iburasirazuba, cyane cyane bitewe na Tanzania.

Mu kiganiro n'abanyamakuru nk’iko newzimbabwe ibivuga , Dr Moeti yagize ati: "Mu by'ukuri muri Tanzaniya twabonye ko badashoboye gusiga intera hagati y’umuntu n’undi harimo no kutabuza guteranira hamwe nko kugana insengero, byatwaye igihe kugira ngo ibi byigweho bibe  kandi twizera ko ibyo kutabikora bishobora kuba ari ibintu bishobora gutuma ubwandu bwiyongera mu gihugu cya Tanzania”.

Perezida wa Tanzaniya, John Magufuli, yanenzwe cyane kubera gushishikariza abaturage gukomeza guteranira aho basengera, aho gushyiraho ingamba zikomeye zo kugabanya ikwirakwizwa ry'icyorezo cya coronavirus.

Tanzaniya yatangaje ikibazo cyayo cya mbere kijyanye n’igaragara rya COVID-19  ku ya 16 Werurwe 2020, ubu imaze kugira kandi ku bantu 284 banduye coronavirus, muri aba abagera ku icumi yarabahitanye mu gihe abagera kuri 11 bayikize.

Gutuma Coronavirus yiyongera cyane muri Tanzania bituma Afurika izamura imibare y’abayanduye ni uko Perezida Magufuri yanze ko hafungwa umurwa mukuru w’ubucuruzi, Dar es Salaam, aho usanga abantu ari urujya n’uruza anashishikariza abantu gusenga Imana bari hamwe ibyatuma abaturage bazicuza izi ngamba.