RFL
Kigali

26.15% by’abahitanywe na Coranvirus ku Isi ni Abanyamerika! Menya Leta 5 z’iki gihugu zazahajwe n’iki cyorezo

Yanditswe na: Eric Misigaro
Taliki:24/04/2020 17:41
0


Leta Zunze Ubumwe za Amerika ni cyo gihugu cyazahajwe cyane na Covid-19 ku rwego rwo hejuru aho magingo aya iki gihugu gifite kimwe cya 3 cy’abarwayi bose ba Coronavirus ku Isi. Leta y’iki gihugu yazahaye cyane ni New York aho nta gihugu na kimwe kiyirusha abarwayi benshi.



32.2% by’abarwayi ba coronavirus ku Isi ni abanyamerika, naho akagera kuri 26.15% by’abahitanwe n'iyi ndwara ni abanyamerika. Leta iri ku isonga ni leta ya New York aho irusha ibihugu byose byo ku Isi kugira umubare mwinshi w’abarwayi aho ugera ku 268,581. Igihugu kiyiyingayinga ni Esipanye ifite abarwayi bangana na 219,764.

Igihugu gikurikira Amerika mu kugira abantu benshi bamaze guhitanwa na covid ni u Butaliyane bufite abagera ku 25,549. Magingo aya, Isi yose ifite abarwayi ba covid bangana na 2,752,541, abo imaze guhitana ni 192,251 ku Isi hose. Muri aba harimo abarwayi ba Amerika bagera ku 887,622 ikagiramo abagera 50,283 bamaze guhitanwa n’iki cyorezo.

Ibi bituma iki gihugu kiba ku isonga mu byazhajwe n'iki cyorezo. Benshi ntibatinda no kuvuga bati “akagabo gahimba akandi kataraza”. Ibi abenshi babivuga kubera iki gihugu cyabanje gufata iyi virusi nk'idafite imbaraga ndetse ibi bikaba ari nabyo byatumye iki gihugu kibasirwa ku rwego rwo hejuru. 

             
Dr.Anthony na Dr. Deborah Brix bavuga umubare ushobora kuzahitanwa na Covid 

Dusubiye inyuma gato hari amakuru yatangajwe n’ibiro bikuru by’umukuru w’igihugu cya Leta Zunze Ubumwe za Amerika ”White House” ko muri iki gihugu abazabura ubuzima kubera icyorezo cya Covid-19 bari hagati y’ibihumbi 100 na 240.

Umuntu akurikije umuvuduko iki gihugu kiriho birashoboka ko gishobora kuzanabarenza kuko ubu hakurikijwe abamaze guhitanwa n'iyi ndwara mu gihe kingana n’iminsi 54, ukongeraho ko hari gupfa abantu benshi cyane muri iyi minsi. 

Menya Leta zibasiwe cyane na Covid-19 ku rwego rwo hejuru muri Amerika

1.      New York

Umubare w’abarwayi: 268,581

Abapfuye: 20,861

2.      New Jersey

Umubare w’abarwayi: 100,025

Abapfuye: 5,428

3.      Massachusetts

Umubare w’abarwayi: 46,023

Abapfuye: 2,360

4.      California

Umubare w’abarwayi: 39,620

Abapfuye: 39,620

5.      Pennsylvania

Umubare w’abarwayi: 37,053

Abapfuye: 1,685

Src: worldometers.info






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND