RFL
Kigali

Philipine: Ku myaka 14 abangamiwe n’impanga ye yakuriye ku gituza cye

Yanditswe na: Clementine Uwiringiyimana
Taliki:23/04/2020 11:36
0

Umwana w’umukobwa w’imyaka 14 abangamiwe n’igisa n’umuntu cyameze kugituza cye kikazana amaboko abiri n’igihimba.



Uyu mwana witwa Veronica Cominguez, ukomoka mu gihugu cya Philipine avuga ko iyi mpanga ye imubangamira cyane bitewe n’ibiro by’umurengera bituma kugenda bitamworohera.

Yagize ati “Ubwo nari nkiri muto nibwiraga ko ari ikirenge ariko cyaje gukomeza gukura kiba kinini. Kirandemerera ndetse kiguma kuzana amazi kigatosa ikanzu yanjye.”

Ibi abahanga bavuga ko ari impanga ye yo mu bwoko bwa parasite itarabashije gukura neza ubwo nyina yari amutwite. Iki kice cyakomeje gukurira ku gituza cye kugeza ubu aracyoza ndetse akanagicira inzara dore ko gifite ibiganza byakuze mu buryo budasanzwe.

Flora Cominguez, nyina wa Veronika, avuga ko umuryango wabo ufite amateka ku kubyara impanga ndetse ngo nubwo atabashije guhura na muganga ubwo yari atwite, yari abizi ko atwite impanga ndetse azishakira n’amazina zose.

Avuga ko buri gihe umwana we aba yatose kubera amazi ava mu mukondo we kandi ananuka bikamubangamira cyane.

Kugeza ubu abaturanyi b’uyu mwana bamaze gukusanya amafaranga akenewe ngo age mu gihugu cya Thailand kubagwa atandukanwe n’ikitwa impanga ye gikomeje kubangamira ubuzima bwe.

Umuganga wa Veronika Dr Beda Espineda usanzwe ukurikirana indwara z’abana mu bitaro bya Philipine avuga ko ‘ibibazo bimeze nk’ibi akenshi bikosorwa kandi bikagenda neza’

Ati “Akenshi biba bifashe ku mubiri mu buryo butagoye nko ku ruhu cyangwa ku igufa. Biroroshye kugikuraho.”

Amafaranga yose azakoreshwa uyu mwana atandukanywa n’iki gice azatangwa n’abaturanyi be. Umuvugizi wabo avuga ko nubwo uyu mwana ahura n’ubuzima butoroshye azi kwihangana, kwiyakira ndetse ko ari n'umuhanga.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND