Umunyabigwi mu mupira w’amaguru, Norman Hunter wakiniye amakipe atandukanye yitabye Imana azize icyorezo cya Coronavirus kiri guhitana ubuzima bwa benshi ku isi.
Norman Hunter yatabarutse afite imyaka 76 y’amavuko. Yagaragaye cyane mu makipe nka; Leeds United akina nka myugariro, Bristol city, Barnsley, yakiniye kandi u Bwongereza mu gikombe cy'isi cya 1996.
Norman yakinnye imikino 700 muri Leeds United akina nka myugariro, atanga umusanzu w'amateka muri iyi kipe mu bihe birenga 13. Yipimishije coronavirus mu ntangiriro za Mata kandi kuva icyo gihe yitaweho mu buryo bushoboka ariko amakuru avuga ko byarangiye iyi ndwara imuhitanye.
Nyuma yo kwitaba Imana, iyi kipe Leeds yagize ati: "Leeds United yababajwe cyane no kumenya uripfu rw'umukinnyi w'ikipe Norman Hunter yari afite imyaka 76."
Norman yajyanywe mu bitaro mu cyumweru gishize nyuma yo gufatwa na COVID-19. Yatangiye gukinira Leeds umukino wa mbere mu mujyi wa Swansea afite imyaka 18 kuva tariki ya 8 Nzeli 1962.
Francisco Garcia nawe yishwe na Corona
Urupfu rwa Norman ruje mu gihe havugwaga urupfu rw'umutoza w'umupira w'amaguru muri Espagne, Francisco Garcia na we witabye Imana azize Coronavirus. Raporo y’ikinyamakuru The Sun ivuga ko uyu Garcia yasuzumwe bwa mbere indwara ya leukemia maze ajyanwa mu bitaro mbere y'uko ibimenyetso bya Coronavirus biza.
Twavuga ko kandi Norman Hunter yabaye mu itsinda ryatsindiye igikombe cy'Isi cya FIFA 1966, ahabwa umudari mu 2007. Yabaye uwa mbere wegukanye igihembo cy'umukinnyi witwaye neza muri PFA mu 1974.
Yabaye kandi umukinnyi ukina hagati na hagati nka myugariro wo hagati, bamwitaga nk’izina ry’irihimbano "Bites Yer Legs". Iri zina ryaturutse ku ibendera ryari rifitwe n'abafana ba Leeds United ku mukino wa nyuma wa FA Cup 1972 bihura na Arsenal.
TANGA IGITECYEREZO