Suwede: Nyuma yo kwanga gufunga, bari mu gahinda gakomeye, bari gupfusha abantu 1,203 umunsi umwe bazize Coronavirus

Suwede ni cyo gihugu cyonyine cy’Uburayi kitigeze gifunga kuko kugeza ubu Utubari, amashuri, resitora, n'amaduka bikomeza gukingurwa  nk’ibisanzwe ndetse amateraniro manini  n’ibindi birori nk’ubukwe biracyakomeje

Itsinda ry’abaganga 22, abahanga mu bya virusi n’abashakashatsi banenze ikigo cy’ubuzima rusange mu gitabo cyasohowe n’ikinyamakuru Dagens Nyheter ku wa kabiri.

Bashinje guverinoma kuba yarananiwe gushyiraho ingamba zikwiye, bagaragaza ko ubu umubare w'abapfa muri Suwede wikubye kabiri ugereranyije n'uw' ibihugu bituranyi byabo mu majyaruguru ya Nordic.

Kugeza ubu, Noruveje ifite abantu 6.740 barwaye n’abandi  145 bamaze gupfa,  Finlande ifite abantu 3,237 barwaye na 72 bamaze gupfa,  Danemark ifite abantu 6,681barwaye na 309 bamaze gupfa

Minisitiri w’intebe wa Suwede, Stefan Lofven, yemeje ko "kwitegura bitabaye byiza " kubera ko guverinoma ye yashyizeho akayabo ka miliyoni zirenga 100 (miliyoni 8 zama pound) kugira ngo yitegure iki cyorezo.

Biteganijwe ko ubukungu bwa Suwede buzagabanuka hafi inshuro enye ku ijana muri uyu mwaka ariko minisitiri w’imari Magdalena Andersson yavuze ko abaminisitiri bizeye ko ubukungu buzongera gutera imbere mbere y’umwaka.

Src: The Sun