RFL
Kigali

Nigeria: Umuganga yandujwe n’umurwayi Coronavirus ihita imuhitana

Yanditswe na: Liliane Kaliza
Taliki:16/04/2020 13:03
0

Umuganga wo muri Nigeria yishwe na Covid-19 nyuma yo kuyanduzwa n’umurwayi wari wagannye ivuriro rye ryigenga. Uyu muganga yajyanywe mu bitaro bya Kaminuza i Lagos kuwa mbere apfa kuwa gatatu nk'uko uyobora ibi bitaro Chris Bode abitangaza.



Bwana Bode avuga ko uyu muganga yagejejwe ku bitaro arembejwe n'ibimeneyetso by'iki cyorezo. Ishyirahamwe ry'abaganga muri Nigeria rivuga ko uyu wapfuye, Dr Chugbo Emeka, yanduye ubwo yari arimo kwita ku murwayi wishwe n'iki cyorezo kuwa gatanu ushize.

Iri shyirahamwe rivuga ko amakuru rikesha ikinyamakuru Vanguard, ari uko uyu muganga w'imyaka 51 yari asanzwe arwara indwara ya Asthma. Iri shyirahamwe rirasaba leta zigize Nigeria gufasha abaganga kubona imyambaro ibarinda kwandura mu gihe bita ku barwayi banyuranye muri iki cyorezo.

Risaba kandi abarwayi kubwira ukuri abaganga ku buzima bwabo, ingendo bakoze n'abantu babonanye kugira ngo bamenye uko bitwara. Iki gihugu kirateganya kuzana abaganga 18 bavuye mu Bushinwa bakaza kuyifasha kurwana n'iki cyorezo, gusa bamwe mu baganga bo mu gihugu bagaragaje ko batabyishimiye kuko bari bakwiye gukoresha abaganga benshi badafite akazi bari mu gihugu.

 
Src: BBC






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND