Umugabane wa Afrika ugizwe n’ibihugu 54, muri byo 52 bifite abarwayi ba coronavirus ndetse byinshi muri byo abaturage babyo bafite ikibazo cy'inzara muri iyi minsi cyane cyane nk'abari batunzwe n’ibiraka. Lesotho na Comoros ni byo bihugu bidafite umuntu n'umwe urwaye Covid-19
Magingo aya
Africa ifite abarwayi ba Covid-19 basaga 14,573 naho abamaze guhitanwa nayo ni 790 mu gihe abamaze
gukira bangana na 2,823. Gusa nubwo
bimeze uko hari ibihugu bitarakorwaho n'iyi ndwara ari byo Lesotho na Comoros.
Ku rwego rw’Isi Africa ifite 0.76% by’abarwayi
ba covid-19 ndetse ikagira impuzandengo ya 0.66% y'abamaze guhitanwa n’iyi ndwara.
Ku Isi igihugu kibasiwe cyane n'iyi ndwara ni igihugu cy’igikomerezwa ari cyo Leta Zunze Ubumwe za Amerika ifite abagera kuri 30.4% by’abarwayi bose bo ku Isi. Leta ya New York irarusha ibihugu byose byo ku Isi kwibasirwa kuko ifite
abagera ku 195, 031 bangana na 33.42% by'abarwayi bose ba covid-19 bo muri Amerika.
Menya amakuru y’ibanze kuri ibi
bihugu 2 bitararangwamo n’indwara ya covid-19
1. Lesotho
Umubare w’abaturage: Miliyoni 2
Umurwa mukuru: Maseru
Ibihugu bihana imbibi: Lesotho izengurutswe na Africa y'Epfo
Aho iherereye: Mu Majyepfo ya Africa
Ururumi rukoreshwa: Sesotho English
Ifaranga rikoreshwa yo: ZAR
Lesotho ni igihugu kizengurutswe na Africa y'Epfo. Abagore hafi ya bose bo muri Lesotho barengeje imyaka 40, bose bafite ubwandi bwa HIV. Iki gihugu cyakoronijwe n' u Bwongereza kiza kubona ubwigenge mu 1966.
Ubuso bwa Lesotho burangana na 30,000 km2. Mu yandi magambo Lesotho iraruta u Rwanda ho 3662 km2. Abaturage bo
mu gihugu cya Lesotho ubukungu bwabo bushingiye cyane cyane ku buhinzi, ubworozi n'ubucukuzi bw’amabuye y'agaciro.
2. ComorosUmubare w’abaturage: 869,601
Umurwa mukuru: Moroni
Ibihugu bihana imbibi: iki gihugu ni ikirwa kiri mu nyanja
y’Abahinde
Aho gihereye: Amajyepfo y’Uburasirazuba bwa Africa
Ururumi rukoreshwa: Comorian, French, Arabic
Ifaranga rikoreshwa yo: Comorian franc (KMF)
Ikirwa cya comoros kiri mu nyanja y’Abahinde ugenekereje kirajya guhana imbibi na Mozambique. Comoros ni cyo gihugu cy’Abarabu kiri mu Majyepfo y’Isi (South hemisphere).
Iki gihugu ubukungu gifite ahanini kibukura ku buhinzi ndetse n’ubworozi. Ubuso bwa comoros burangana na 1,659 km², ugendeye ku ngano y’u Rwanda rukubye iki kirwa ishuro 15.87.
Ibi bihugu
impamvu bitaragira umurwayi n'umwe wa covid-19 ntivugwaho rumwe na benshi, gusa nko
ku ruhande rwa Comoros byapfa kumvikana kuko iri mu nyanja igihe baba bakumiriye
abantu bakijyamo byagorana ko barwara ariko ku ruhande rwa Lesotho ntibisobanutse
kuko izengurutswe na Africa y'Epfo kandi ni yo ifite abarwayi benshi ba Covid-19
ku mugabane wa Africa.
Ibindi
bihugu ndetse n’ibirwa bitaragaramo umuntu urwaye Covid-19 harimo; Kiribati, Lesotho, Marshall Islands,
Micronesia, Nauru, North Korea, Palau, Samoa, Sao Tome, Solomon Islands,
Tajikistan, Tonga, Turkmenistan, Tuvalu na Vanuatu.
Src: WHO; Johns Hopkins
TANGA IGITECYEREZO