Mu gihe Isi yugarijwe n’icyorezo cya COVID-19 kiri kwibasira abatuye Isi byumwihariko Leta Zunze Ubumwe za Amerika, u Butaliyani, Espagne n’ahandi, ingamba z’akato mu Butaliyani zongerewe kugeza Tariki 3 Gicuransi 2020.
U Butaliyani buri mu bihugu byugarijwe cyane n’icyorezo
cya COVID-19 dore ko nibura abantu
bagera ku 147,577 bayanduye naho abapfuye bakaba bagera ku 18,849 mu gihe abakize
basaga 30,455.
Kubera umuvuduko wo kwandura iki cyorezo byatumye Minisitiri
w'intebe w’u Butaliyani, Giuseppe Conte yongera igihe cy'ibihe bidasanzwe
by'akato kugeza ku itariki ya 3 y'ukwezi gutaha kwa Gatanu uyu mwaka wa 2020.
Yavuze ko ibyagezweho kugeza ubu abantu
bari mu kato bidakwiye gupfushwa ubusa ngo bave mu kato kuko byatuma iki
cyorezo kigarukana umurego udasanzwe. Gusa igice gito cy'ubucuruzi bwafunzwe guhera ku
itariki ya 12 y'ukwezi gushize kwa Gatatu, buzemererwa kongera gufungura
imiryango Tariki 14 Mata.
Bwana Conte
yavuze by'umwihariko ko inzu zigurishirizwamo ibitabo ndetse n'amaduka acuruza
imyenda y'abana biri muri ubwo bucuruzi buzongera gufungura. Ariko amakuru avuga
ko inzu zimeserwamo imyenda hakoreshejwe imashini ndetse n'izindi serivisi,
nabyo bishobora gushyirwa ku rutonde rw'ubwo bucuruzi bugiye kongera gukora.
Leta ya Espagne nayo iri kwitegura kwemerera abakozi
cyane cyane abakora mu bwubatsi no mu nganda, gusubira ku kazi ku wa mbere
Tariki 13 Mata. Muri Espagne nk'uko imibare ibigaragaza abantu barenga 16,000 bamaze
kwicwa na coronavirus, abarenga 55,000 bamaze kuyikira naho abarenga 158,000 ni
bo bamaze kwemezwa ko bayanduye.
Leta ya Espagne yashishikarije abaturage gukomeza gukurikiza
amategeko yo kutegerana muri iyi minsi mu gihe ababwiriza yandi azatangirwa.
SRC: BBC
TANGA IGITECYEREZO