RFL
Kigali

U Rwanda rwasezereye abarwayi 4 bakize Coronavirus

Yanditswe na: Mupende Gedeon Ndayishimiye
Taliki:5/04/2020 14:33
0

Kuri iki Cyumweru tariki 05/04/2020 Minisiteri y'Ubuzima (MINISANTE) yatangaje ko abarwayi bane bari barwaye Coronavirus basezerewe nyuma yo gukira iyi ndwara. Ibi byatumye imibare y'abanduye iyi ndwara mu Rwanda igabanuka bava ku 109, hasigara abarwayi 98.



MINISANTE yanditse kuri Twitter ko yasezereye abarwayi 4 nyuma y'uko bakize Coronavirus. Iyi Minisiteri yanditse iti "U Rwanda rwasezereye abarwayi 4 bakize Coronavirus". Aba barwayi basezerewe, bavurirwaga ahantu habugenewe ku Kigo Nderabuzima cya Kanyinya muri Kigali ari naho hari kuvurirwa abandi bose banduye iyi ndwara.

MINISANTE ivuga ko abarwayi bose b'iyi ndwara bari koroherwa ndetse abenshi muri bo ubu nta bimenyetso bya Coronavirus bagaragaza. Ibimenyetso by'ingenzi bya Coronavirus ni inkorora, guhumeka bigoranye ndetse n'umuriro. Umuntu wese ugaragaza ibi bimenyetso yasabwe kwihutira guhamagara umurongo utishyurwa 114 cyangwa akipima akoresheje telefone akanda *114# agakurikiza amabwiriza.

Mu itangazo iyi Minisiteri yashyize hane kuwa Gatandatu tariki 04/04/2020 ubwo yatangazaga ko abarwayi ba Covid-10 bamaze kuba 102, yasabye abaturarwanda bose gukomeza kwitwararika, bakubahiriza amabwiriza y'inzego z'ubuzima hitabwaho cyane cyane gukaraba intoki kenshi kandi neza hanubahirizwa intera ya metero imwe (1) hagati y'abantu.


Itangazo rya MINISANTE rivuga ko abarwayi 4 ba Covid-19 basezerewe






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND