Ikipe ya Musanze FC ibarizwa mu karere ka Musanze mu majyaruguru y’u Rwanda yatangaje ko amakuru yavuzweko umutoza wayo mukuru Ahmed Abdelrahman Ibrahim Adel, yanduye icyorezo cya Coronavirus ari ibihuha kuko uyu muitoza nta kibazo na kimwe afite ubuzima bwe buhagaze neza.
Mu
minsi mike ishize humvikanye amakuru y’abantu bamwe na bamwe bavuga ko uyu
munya-Misiri utoza Musanze FC yanduye icyorezo za Coronavirus kibasiye abatuye
Isi muri iki gihe.
Ibi
byatangiye guhwihwiswa ubwo uyu mugabo yari agarutse mu Rwanda kuwa Kane
w’icyumweru gishize, tariki ya 19 Werurwe, avuye iwabo mu Misiri.
Iyi
kipe ibinyujije ku rukuta rwayo rwa Twitter, yanyomoje aya makuru, ivuga ko ari
ibihuha bidafite aho bihagaze.
Yagize
iti “Turabamenyesha ko ibihuha bimaze iminsi bivugwa ko umutoza mukuru Ahmed
Adel yanduye Covid-19 nta shingiro bifite kandi bibogamye. Ameze neza kandi
afite umutekano, ari mu rugo.”
Abdelrahman
Ibrahim Adel yagizwe umutoza wa Musanze FC tariki ya 2 Ukuboza 2019, asimbuye
Umurundi Niyongabo Amars wari umaze iminsi itanu yirukanywe.
Shampiyona
yahagaze ku munsi wa 24 w’imikino, Musanze FC yicaye ku mwanya wa 12 n’amanota
27.
TANGA IGITECYEREZO