RFL
Kigali

Miss Burundi yari yongeye kuba nyuma y'imyaka itatu yasubitswe

Yanditswe na: Janvier Iyamuremye
Taliki:11/03/2020 9:09
0


Irushanwa rya Miss Burundi 2020 ryasubitswe nyuma y’uko Minisitiri w’ubucuruzi, inganda n’ubukerarugendo, Niyokindi Jean Marie agiranye ibiganiro n’urubyiruko rwarimo rutegura iki gikorwa ‘abasaba kwisuganya kugira ngo bazategure neza irya 2021’.



Jimbere Magazine yavuze ko Minisitiri Niyokindi yamenyesheje abateguraga iri rushanwa ko bambuwe urushya rwo gutegura iry’uyu mwaka ku mpamvu zitigeze zitangazwa.

Mugisha Gael Umuyobozi Miss Burundi Event, yabwiye INYARWANDA, ko batarasohora itangazo rivuga ko bahagaritse iki gikorwa n’ubwo Minisitiri Niyokindi yabibasabye.  

Ati “Yego ni uko byaraye bigenze. Ntiturafata icyemezo.”

Mu cyumweru gishize abategura iri rushanwa basohoye itangazo rimenyesha ko Miss Burundi 2020 atakimenyekane kuwa 07 Werurwe 2020 mu gikorwa cyari kubera ahitwa Zion Beach.  

Bavuze ko ari ku mpamvu bazatangaza mu kiganiro n’itangazamakuru.

Miss Burundi 2020 byari binateganyijwe ko amenyekana kuwa 21 Ukuboza 2019, birasubikwa.  

U Burundi buheruka Nyampinga wa 2017 ari we Ange Ingabire Bernice.

Inkuru bifitanye isano: Uburanga bw'abakobwa bari bahataniye kuvamo Miss Burundi 2020

Miss Burundi 2020 yari kwambikwa ikamba na Ange Bernice, Miss Burundi 2017

Minisitiri Niyokindi yasabye abateguraga Miss Burundi 2020 kwitegura neza bagategura irya 2021





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND